Barta lagu dhasho (Birthmarks)

Maxay yihiin?
Waxaa jira barra ku yaalla maqaarka ilmaha dhasha waxaana badanaa loogu yeeraa “barraha dhalashada”. Way koraan qaab ahaan waxayna badanaa ku yaalliin maqaarka sida marinada dhiigga (waxaa markaas loogu yeeraa astaanta halbowlaha ama (haemangiomas) unugyada midabka, (waxaana markaas loogu yeeraa astaamo).

Sababta lama yaqaan.
Carruurta badankood kama qaadaan dhibaatooyin badan barraha badankoodna uma baahna wax daaweyn ah.

Waa maxay barraha kala duwan oo lagu dhashaa, xaggee lagu arkaa sideena loo daweeyaa?

Astaanta halbowlaha (haemangiomas)
Calaamada guud ee halbowlaha oo la yaqaan “qaniinyada shimbirta” waxay u muuqataa guduud dhereran oo surka kaga yaal ilaa 50% ayeyna ku taalla carruurtu markay dhashaan. Waxay marmarka qaarkood kaga dhacdaa carruurta meella kale oo madaxa ah ama luqunta. Mida wajigu badanaa way baaba’daa mudda dhan shan sano laakiin kuwa gadaal ku yaal halkooda ayay ku oollaadaan.

Mida soo kacsan oo ah astaanta halbowlaha waa mida ah haemangioma, ama strawberry naevus. Waxayna muuqataa dhowr bilood dhalashada ka dib, waxayna ka duwan tahay mida dherersan oo lagu dhasho. Waxay u kortaa si degdeg ah mudda lix bilood ah waxayna samaysaa bura soo kacsan oo jilicsan wayna kala duwan tahay waxayna u dhexeysaa ilaa nus sentimeter ilaa dhowr sentimieter. Ilaa 10% carruurta dhalata ayaa yeellan kara haemangiomas-ka.
Badankood waa iska guraan waana baabaáan dawa laáan.
Marmarka qaarkood mid weyn oo buro oo kale ah ayaa ka soo baxda indhaha agtooda, sanka ama afka ayaana laga yaabaa inay u baahdaan daaweyn. Midaan waxaa lagu baabiín karaa laysar khaasa.
Marmarka qaarkood, waxaa dhakhtarku u qoraa qadar yar oo ah cortisone, taas oo laga qaadanayo afka taas oo joojin doonta koritaanka haemangiomas-ka baaxada weyn.

Astaanta midabka
Astaanta midabka waxaa ugu wacan siyaadida unugyada midabka oo ka siyaadey (melanocytes) maqaarka intiisa kore.
Midabka caansina waa dhibicda Mongolian. Midkaani waa dhul siman oo buni ah iyo madow xigeen kaas oo badanaa lagu arko qaarka dambe xaggiisa hoose. Badanaa waxaa lagu arkaa markuu ilmuhu dhasho dhibaatana ma keeno. badanaana waxaa lagu arkaa carruurta maqaarkoodu madow ama mugdi xigeen yahay (in ka badan 90% carruurta ayaa leh marka la dhinac dhigo 5% Anglo-Saxon-ka ah).
Dhibcaha loo yaqaan Mongolian spots waa baabaáan aakhirka.
Burada lagu dhasho ee loo yaqaan melanocytic naevus (birth mole) cidna wax ma yeesho koridiisuna midabka unugyada laga hello ilmaha markuu dhasho ama wuxuu ka muuqdaa bilaha ugu horreeya.
Dhibcahaani way ku kala duwan yihiin baaxad ahaan waxayna ka bilawdaan millimetre ilaa dhowr sentimetre waxaana laga yaabaa inay kor u kaco aana lana arki karin marka la dhinac dhigo dhibicda loo yaqaan Mongolian spot taas oo ah mid weyn.
Burooyinka badankood ilmuhu ku dhasho may laha wax khatar ah oo noqon kara kansar sidaas darteed uma baahna daaweyn. Si kasta arrini ha ahaatee, mararka qaarkood kuwa aadka u waaweyn in ka badan 20 cm ballar ahaan ayaa noqonkara khatar la xiriirta kansarka maqaarka.
Qaababka daaweynta oo ay helli karaan burooyinkaas waxaa ku jira in qaliin lagu gooyo mararka qaarkoodna waxaa lagu daweeyaa laysar.
Burooyinku badanaa ma jiraan xilliga ilmuhu dhasho. Waxaa siyaadaa midabka ay sameeyaan unugyada midabku (melanocytes). Waxay ku
dhacaan carruurta intay yar yihiin qoraxduna kulushahay waxayna kaga dhacdaa camanka, gacmaha gadaashooda ama calaacasha gadaasheeda.
Burooyinka waxaa laga yaabaa in lagaga hortegi karo qoraxda oo si fiican laysaga difaaco. Burooyinkaasi kama muuqdaan markuu ilmuhu dhasho waxayna u badan yihiin inay ilmaha ka muuqdaan markuu koro ama qaangaar noqodo.

Wixii macluumaadka intaas ka badan halkaan ayaa ku weydiin kartaa.

SomaliDoc

Related Topics
	Subject	Started by	Replies	Views	Last post
	Qaliinkii Cajiibka Ahaa oo Maryam Lagu Badbaadiyay Cudurrada Qaliinka	Dr.Mahdi	0	269	October 30, 2007, 08:09:48 AM by Dr.Mahdi
	Ilmaha Ku Dhasho Miisaan Hoose Cudurrada Caruurta	Diagnostic	0	317	January 25, 2008, 03:16:54 PM by Diagnostic
	Calaamadaha lagu garto Iskitsoofiriiniyada Cudurrada Maskaxda	SomaliDoc	0	314	April 04, 2008, 09:54:00 AM by SomaliDoc
	Sidee lagu ogaadaa cudurka Iskitsoofiriiniyada? Cudurrada Maskaxda	SomaliDoc	0	275	April 07, 2008, 03:18:40 AM by SomaliDoc
	Uurdoox (ilmaha lagu qalay) [C/S] Cudurrada Haweenka	SomaliDoc	0	682	May 15, 2008, 02:11:37 PM by SomaliDoc

	Author	Topic: Barta lagu dhasho (Birthmarks) (Read 431 times)
0 Members and 1 Guest are viewing this topic.