Buugan yari wuxuu qeexayaa calaamadaha diiqista (niyad jabka), iyo dawaynta kala duwan ee diyaarka ah. Waxuu sharxaysaa siyaabaha dadku isu caawin karaan, waxa reerku iyo asaxaabtu samayn karaan. Waxa kale oo tilmaamaysaa xagii aad talo iyo macluumaad dheeraada ka raadsan lahayd. Diiqaddu waxay u haleeli kartaa dadka si kala duwan, waxay soo saari kartaa astaamo kala duwan, qaar nafta ah iyo qaar jirka ah. Hadii aad diiqday ama niyad jabtay waxaa laga yaabaa inaad moodid in aan wax kaalmo ahi jirin. Laakiin waxyaalo aad samayn karto oo is bedel keeni kara ayaa jira. In aad go’aaansato in aad wax iska qabato, waa talaabada ugu muhiimsan ee aad qaadi kartid. Dadka intooda badani way kasoo kaban karaan muddada yar ee diiqadda, xataa qaar sidii khibrab fiican (gaareen) ayay dib u jaleecaan, taas oo qasabtay in ay noloshooda iyo sida ay u noolyihiin wax ka bedelaan.

Buugga waxaan u kala qeybin doonnaa ilaa 8 qeybood oo su'aal iyo jawaab ah annagoo ka jawaabi doonna su'aalahaan soo socda?

1- Waa maxay diiqaddu ama niyad jabku?
2- Meeqo nooc oo niyad jab ah ayaa jirta?
3- Waa maxay calaamadaha diiqaddu/niyad jabku?
4- Maxaa dhaliya diiqadda/jiyad jabka?
5- Sidee loo daaweeyaa diiqadda/niyad jabka?
6- Noocyada daawooyinka ee diiqadda/niyad jabka?
7- Maxaan samayn karaa ee naftayda ku caawiyaa?
8- Maxay saaxiibadu iyo reerku samayn karaan inay i caawiyaan?

Anagoo buugga ka dooranayno maalinba qeyb si ay u sahlanaato fahmidiisa wixii su'aalo aad ka qabtid iyo macluumo dheeraadne aad ku weydiin karto dhamaadka qoraal walba.

---