Author Topic: Hawlgabka kelyaha (kidney failure)  (Read 41146 times)

0 Members and 1 Guest are viewing this topic.

Offline SomaliDoc

  • Moderator
  • *****
  • Posts: 4709
  • Points: +3/-1
  • Gender: Male
  • Ilaahayow Dal Nabad Qaba iyo Dad Caafimaad Qaba!
    • Somali Medical Association
Hawlgabka kelyaha (kidney failure)
« on: January 15, 2009, 11:40:18 PM »


Marka kelyuhu hawlgabaan, jirka kama saari karaan dheecaanka dheeraadka ah iyo qashinka. Waxay tani dhici kartaa sababta oo ah cudur ama waxyeelo ka timi dhaawac.
Kelyuhu:
• Waxay saaraan biyaha siyaadada ah iyo qashinka
• Waxay dheelitiraan dheecaanada iyo kiimikooyinka jirku u baahan yahay
• Waxay xukumaan cadaadiska dhiigga
• Waxay xukumaan dheecaanada jirka (hormones) ee sameeya unugyo dhiig oo cusub

Kelyuhu waxay biyaha siyaadada ah iyo qashinka ka saaraan dhiigga oo u bedelaan kaadi.
Ka dibna kaadida ayaa laga saaraa jirka.
Dadka badidoodu waxay leeyihiin 2 kelyood.
Qofku waxa uu nolol caafimaad leh ku noolaan karaa isaga oo leh hal kali.
Waxa jira 2 nooc oo ah hawlgab kelyo oo loo yaqaano mid daran (acute) iyo mid soo-jireen ah (chronic).

Hawlgabka Kelyaha ee Daran
Hawlgabka kelyaha ee daran waa kelyaha oo si kadis ah u lumiya hawl qabadkooda oo dhacda saacado ama maalmo gudohood.
Sababaha waxa ka mid ah:
• Caabuq/fashfsh daran
• Gubasho daran
• Waxyeelo ama joogsi ku dhaca dhiigga ku qulqula kelyaha
• Cadaadiska dhiigga oo hooseeya
• Joogsi ku dhaca marinka kaadida
• Hawlgab wadne
• Sumow kiimiko ama maandooriye
Badanaa kelyuhu way soo fiicnaan karaan marka sababta keentay dhibaatada la helo ee la daweeyo.

Hawlgabka Kelyaha ee Soo-jireenka ah
Hawlgabka kelyaha ee soo-jireenka ahi waxa uu dhacaa marka kelyuhu si tartiib ah u lumiyaan shaqadooda.
Waa cudur nolosha qofka oo dhan jira oo aan laga fiicnaan.
Sababaha waxa ka mid noqon kara:
• Cudurada sida sonkorta/sokorowga, cadaadiska dhiigga ee sareeya iyo cudurka wadnaha
• Dhagxaanta kelyaha
• Gufeysan ama dhibaatooyin ku dhaca marinka kaadida
• Lubus (lupus), oo ah cudur isdifaac jir
• Scleroderma, oo ah cudur maqaarka iyo seedaha
• Caabuqa/fashfashka soo-jireenka ah
• Isticmaal-xumida maandooriye
• Sun
Calaamadaha Hawlgabka Kelyaha ee Soo-jireenka waxa ka mid ah:
• Gacmaha, wajiga ama cagaha oo barara
• Isbeddelo ah inta jeer ee aad kaadisid
• Dareen ah daal badan ama tabar-dari
• Madax xanuun iyo wareer
• Lallabo ama matag
• Rabitaanka cuntada oo luma
• Dareen ah neefsashada oo dhib kugu ah
• Maqaarka oo cuncuna

Hawlgabka kelyaha ee soo-jireenka ah ma laga bogsado. Waxa lagu daweeyaa cuntada oo la beddelo iyo dawooyin. Marka kelyaha uu ka lumo badi hawlgalkoodu, taasoo la yidhaahdo dhamaadka hawlgabka kelyaha (end-stage renal failure), kaadi-saaris (dialysis) ayaa loo baahan yahay dhawr maalmood tobobaadkii. Waxa kale oo doorasho daweyn noqon kara in kelyo lagugu talaalo.

Halkaan Ka Baro Kaadi-Saarista / Kilyo-Dhaqista (Dialysis)

Haddii aad qabtid su'aalo cafimaad, iigu soo dir qeybta su'aalaha: http://somalidoc.com/smf/index.php?board=31.0
http://somalidoc.com


Abdullahi M. Mahdi waa dhakhtar soomaaliyeed oo ku takhasusay Cudurada Guud (Internal Medicine) Cudurada Faafa (Infectiouse Diseases) iyo Cudurada Dhulalka Kuleylaha (Tropical Medicine), Sidoo kale waa Qoraa si joogto ah bulshada uga wacyi galiyo bogga "SomaliDoc.com" oo uu aasaasay bilawgii sanadka 2007.

Igala Soco:
   


 

Hawl Gabidda Wadnaha (Heart Failure)

Started by SomaliDocBoard Cudurrada Guud

Replies: 0
Views: 64944
Last post December 18, 2007, 01:08:59 AM
by SomaliDoc
Urgent Question - Heart Failure

Started by Student of KnowledgeBoard Qaybta Su'aalaha

Replies: 1
Views: 13673
Last post January 03, 2008, 01:24:25 PM
by Admin
Howlgabka Beerka (Liver Failure)

Started by SomaliDocBoard Cudurrada Guud

Replies: 0
Views: 27145
Last post March 09, 2015, 05:10:59 PM
by SomaliDoc
International Kidney Alart!! 2008 volume.

Started by MankayBoard Health News and Events

Replies: 0
Views: 7274
Last post January 04, 2008, 11:09:11 PM
by Mankay
Doctors Removes Healthy Kidney by Mistake!

Started by AdminBoard Health News and Events

Replies: 0
Views: 6424
Last post March 19, 2008, 11:19:07 PM
by Admin