Author Topic: Su'aal: marka aan saxaroodo ayaa waxaa iga yimaada biyo yar oo cad?  (Read 30996 times)

0 Members and 3 Guests are viewing this topic.

Offline Gaadhhaye

  • Newbie
  • *
  • Posts: 7
  • Points: +0/-0
  • Gender: Male
[Dhakhaatiirta arintan isu xil qaantay waxaan alle uga baryayaa inuu ajar ka siiyo,suaashaydu waxay tahay
marka aan saxaroodo ayaa waxaa iga yimaada biyo yar oo cad oo aan kaadi ahayn oo ah biyhan raga ka yimaada kuwaasoo aan markaan xaajadayda dhamaysto ila mudo iga socda waana nijaas oo dee mudaan sugaa inatay iga go'ayaan taasoo aan XATAA SALAADA UG HABSAAMO MAXAA WALAAL LAGU DAWEYN KARAA





Offline SomaliDoc

  • Moderator
  • *****
  • Posts: 4709
  • Points: +3/-1
  • Gender: Male
  • Ilaahayow Dal Nabad Qaba iyo Dad Caafimaad Qaba!
    • Somali Medical Association


Biyo cad oo shahwada u eg oo yimaada markii la saxaroonaya sida caadiga ah waxay timaadaa markii jiirashada saxarada ay daliigto ama riixdo qanjirka prostate-ka kadibne uu soo daayo biyahaas.

Biyahaas cad waxay isugu jiraan shahwo iyo dheecaan qanjirka borostaatada uu soo daayo (Prostatic fluid + Semen).

Waxay arrintaan ku badan tahay dadka caabuq ka qabo qanjirka borostaatada waxaana loo yaqaanaa xaaladdaas "Prostatitis".

Waxay kaloo calaamad u noqon kartaa kansarka ku dhaco qanjirkaas khaasatan markuu qofka da' wayn yahay, waxaana habboon in aad dhakhtar la xiriirtid si lagaaga fiiriyo qanjirka borostaatada, lagaana qaado dhiig lagu ogaado kansarka borostaatada oo loo soo gaabiyo "PSA"

Haddii aadan wax dhibaato ah oo caafimaad aadan qabin, oo aad isku aragtay arrintaan hal mar, saxaradaaduna ay adkayd, wax dhib ah oo laga welwelo ma jiraan, laakiin haddii aad dhowr jeer isku aragtay ama xanuuno kale ay jiraan sida in kaadida ay kugu istaagayso, ama ku xanuunjinayso ama tiiradeedu ay gaaban tahay waa in aad dhakhtar guud ama "urlogist" aad la xiriirtaa si baaritaan laguugu sameeyo.

Haddii da'daadu ay ka wayn tahay 45 sano, aad ayay muhiim kuugu tahay baaritaanadaas.

Qoraallo xiriir la leh:

Haddii aad su'aalo caafimaad qabtid iigu soo dir qeybta su'aalaha: http://somalidoc.com/smf/index.php/board,31.0.html
http://somalidoc.com
Abdullahi M. Mahdi waa dhakhtar soomaaliyeed oo ku takhasusay Cudurada Guud (Internal Medicine) Cudurada Faafa (Infectiouse Diseases) iyo Cudurada Dhulalka Kuleylaha (Tropical Medicine), Sidoo kale waa Qoraa si joogto ah bulshada uga wacyi galiyo bogga "SomaliDoc.com" oo uu aasaasay bilawgii sanadka 2007.

Igala Soco: