SSRIs, waxaa laga soo gaabiayay "Selective Serotonin Re-uptake inhibitors" oo ah macanaheea daawooyinka sida khaaska ah u joojiyo dib-unuugist maadada Serotonin kaliya.
Waa group ka kooban dhowr daawo ah loona isticmaalo cudurka niyad jabka, cillada welwelka iyo cudurro kale.
Haddii sii faahfaahiyo, Serotonin waa maaddo kiimiko ah oo laga helo maskaxda howsheedane ay tahay in ay farriinta ka kala gudbiso unugyada maskaxda taasoo haddii ay ku yaraato unugyada maskaxda ay howlgabayso taasne ay keeneyso in qofkii uu noqdo sidii baabuur shidaal ka go'ay oo meel iska fadhiyo waana sida uu noqonayo qofka qaba cudurka niyad-jabka.
Marka daawooyinkaan la isku dhaho SSRIs waxay u diidayaan maadada Serotonin in la dhuugo taasne waxay keensanaysaa in ay ka buuxsanto unugyada maskaxda, sidaasne lagu xalliyo xanuunkii niyad jabka.
Daawooyinka SSRIs waa daawooyinka ugu muhiimsan daawenta niyad jabka waxayna ka koobanyihin daawooyinkaan oo kala ah:
Citalopram, Escitalopram, Fluoxetine, Paroxetine, Sertraline iyo (Fluoxetine + Olanzapine)
Daawooyinkaan waxay leeyihiin waxyeello sida: lalabo, af-qalleel, madax xanuun, shuban, kacsanaan dareen, hoos u dhigis dareenka jinsiga ah, kacsi la'aan, dhidid badan, cayilnaan, wareer iyo hurdo la'aan.
Daawooyinkaan lama qaato iyadoo takhtar kuu qorin maadaama ay tahay daawo wax ka badalayso qaabka shaqada maskaxda taasoo haddii aadan u baahneyn kuu keeni karo dhibaato caafimaad oo raad reebta.