Caruurta leh hal xiniinyo (dhikish) kaliya ama labadaba ay maqan yihiin waxay u baahan yihiin marka hore in la hubiyo in xiniinta aysanba ku dhalan ama in ay weli caloosha ku jirto oo aysan soo dagin.
Xiniinyaha marka ugu horreyso waxaa lagu sameeyaa caloosha qeybteeda hoose, kadib ayay soo dagaan oo ay galaan koloshka qooraha inta aysan caruurta dhalanin, waxaa dhacdo marmarka qaar in xiniinta ay soo daahdo oo ay soo dagi wayso, khaas ahaan caruurta ku dhalata iyagoo aanan bilo dhamaysan, waa loo sugaa lexda bilood ee ugu horrayso, haddii ay soo dagi wayso ama hal xiniin kaliya la arko waa in takthar caruurta ah laal xiriiro si loogu sameeyo baaritaan dheeraad ah oo loo fiiriyo haddii ay tahay cillad uu cunugga ku dhashay iyo haddii wax kale ay jiraan.
Waxyaabaha kale ee keeni karo waxaa ka mid ah in xiniinta ay kor u roorto oo ay qooraha ka baxda oo meel dhexe istaagto, taasna waa in la ogaadaa iyadane haddii ay jirto.
Fadlan la xiriir takhtar caruur una sheeg waxa aad ka cabanayso, waxa marmarka qaar lagu ogaadaa kaliya wiisito ama baaris gacmeed oo qalab wayn uma baahato, haddii ay hal xiniin kaliya inuu ku dhashay ay noqoto, waaa in la fiiriyaa haddii ay jiraan cillado kale ee la socdo sida kaadi mareenka ama kilyaha wax la xiriiro.
Haddii cilladahaas dhan aysan jirin, hal xiniin waa lagu noolaan karaa waana lagu ilmo dhali karaa, wax dhibaato ahne ma keento.
http://somalidoc.com
