Su'aal: Hurdada maalintii ma looga maarmaa mida habeenka?

[Cali Asaaro]

Asc doctors, salaan ka dib habeenkii waan shaqeeyaa ma seexdo  maalintii ayaan sexdaa hurdo igu filan 8hrs camal waliba jawi degan baan ku seexdaa, marka waxaan rabaa inaan ogaado hurdada habeenkii ma qasab baa oo aan laga maarmi karin mise hurdada maalinti weey dabooli kartaa hurdada habeenka hadii waqti kugu filan aad seexato  iyo jawi degan? Tnks

[SomaliDoc]

Hurdada maalintii marnaba  loogama maarmi karo hurdada habeenkii xitaa  haddii aad jiifatid saacado kugu filan, jawiguna uu dagan yahay.

Sababtuna waxay tahay in qaabka bini'aadanka alle u abuuray uma samaysno in hurdada maalintii u ka heli karo caafimaad sida tan habeenkii uga heli karo, maxaa yeelay eebe wuxuu habeenka ugu talagalay in jirku uu dhasto maadaama dheecaano jirka la soo daayo xilliga habeenkii ay arrintaas ka qeyb qaataan, mana ahan wax isbadli karo haddii aad hurdada u wareejisatid maalintii, waana sababta ay dhakhaatiirta uga digaan inuu qofka si joogto ah shaqo u galo habeenkii, maadaama taasi ay khilaafsan tahay hab nolol-kaagii dabiiciga aha ee eebe kuugu talagalay.

Aqoon yahannada waxay ku macneeyaan in jirka samaysankiisa uu alle ku qaabeeyay xilliyada isbadalka habeenka iyo maalinta.
Xittaa haddii aad jawiga habeen ka dhigato oo mugdi aan buuq lahayn oo shanqar lahayn aad jiifsatid weli jirkaagu wuu ka warqabaa inaysan habeen ahayn!!.

Sidaa awgeed waxay dhakhaatiirta ku taliyaan in xilliyada shaqada habeenkii iyo maalinkii la isku badalo, waxaan arkay dadka habeenkii kaliya shaqeysto oo muddo saa ku noolaa in ay ka stress badan yihiin dadka kale, ka madax xanuun badan yihiin, kana dulqaad yar yihiin, halista ay u qabaan xanuuanda wadnaha ay kaga nugul yihiin dadka habeenkii hurda. Waxay baaritaanada qaar sheegaan in dadka joogtada aanan u hurdin habeenkii in halis ugu jiraan cudurradaan: buurnida, sonkorowga, dhiigkarka, wadna xanuunka, caado wareerka iyo kansarada qaar ka mid ah.!!.

Waxaa jiro cilmibaaris dhowr ah oo arrintaan lagu sameeyay oo kulligood ka soo horjeeda shaqada joogtada ah ee habeenkii.
Akhriso dhibaatada Dhafarka:http://somalidoc.com/smf/index.php?topic=6186.0
Haddii aad su'aalo caafimaad ah qabtid iigu soo dir qeybta su'aalaha: http://somalidoc.com/smf/index.php?board=31.0
http://somalidoc.com