Su'aal: Walashey oon dawoyinka iska qadato bilaa taqtar?

[Hanna Hute]

Asc wr wb akhii Dr abdullahi mahdi waxaan ahay marwo ku tixan barnamijkaada caafimadka akhii waxaa hirto gabar ila dhalatay oo aan maaro uga waayay daawoyinka farmashiyasha laga soo gato oo aay aad u is ticmaasho sida madaxa haduu xanuuno ay so ibsanesa cirbadan la yiraahdo tramadolka korku haduu xanuno waxey is ticmasha cirbadan diclofinka kaniiniga la yiraahdo maksigiribka  iyo daawoyinka vitamins ah oo sharooboyin ah sida big bawer bawer abated dawooyin badan oo inta lagu soo koobi karin marka maxaad kula talin laheed adoo mahadaan  Dr? Falyatafadal mashkuura wamaajura.

[SomaliDoc]

Daawada la iska qaato caafimaad ma ahan, dhowr jeerne waan ka hadalnay, daawo kastane waxyeelladeeda ayay leedahay sidaas darteed ayaa loo yeelay qadar cayiman in laga qaato iyo muddo kooban, hadduu qofka sidii cunnadii u qaato, waxaa ka dhalayo dhowr arrimood oo kala ah:
1- In daawada uu qofka qabatimo oo iyada la'aanteed uuba noolaan karin sidii daroogada oo kale.
2- In daawada ay jirku ku aruurto oo kadibna saamayn ku yeelato shaqada jirka sida in beerka, kilyaha, wadnaha ay howlgabiso.
3- In daawada uu qofka ku sumoobo markuu intii loogu talagalay dhaafo, taasoo keeni karto qofka inuu dhaqaska ku dhago ama sambabku dhaawac gaaro.

Intaas iyo in ka badanba, waa laga dhaxlaa daawada la iska qaato, waxaan gabadha kula talin lahaa in marka hore loo sharxo dhibaatada daawada, haddii ay joojin wayso waa laba mid: in ay maandooriye ahaan u isticmaasho oo daawada qabatintay oo ay u baahan tahay in loola dhaqmo sidii qof laga goynayo mukhaadaraat iyo in maskax ahaan loo daaweeyo maadaama dhibka laga hadlayo aysan u muuqan.

Maxaayeelay qof caafimaadkiisa ka fakarayo talo dhakhtar ma diido.

Mahadsanid