Walaal alle ha ku caafiyo, cudurkane hakaa qaado.
Waxaan cabashadaada ka fahmay in aad culeys ka dareentid cunaha in lagu ceejinayo oo kale, codka oo xabeeb ku noqdo oo hadalka ku dhibo, aragga oo mararka qaar culeys ka dareentid oo dadka labolabo u aragtid iyo tabardarrii jirka oo idil ah khaasatan murqaha oo aadan wax qabsan karin, istaagga iyo socodka oo ku dhibo, neeftuur iyo caajis badan.
Intaas kadib waxaad martay baaritaannada tirada badan ee aad ku xustay qoraalka kore, kulligoodne waa negative oo waxba lagaama helin.
Intaas kadib waxa kaliya ee baaris ahaan kuu dhiman oo aadan sheegin waxaa ka mid ah baaris xagga neerfaha ah khaasatan surka iyo maskaxda iyadoo lagu saaro MRI si loo ogaado haddii lafaha qoorta ay cadaadis ku hayaan neerfaha dareenka siiyo dhuunta iyo murqaha jirka.
Haddii taasi ay negative noqoto oo wax lagaa waayo, waxaan kugula talin lahaa in quraan lagu saaro, sababtoo ah astaamaha aad sheegtay dad badan oo dareemay oo quraan ku daawoobay ayaa jiro oo jinni laga daaweeyay, waxaa dadkaas u sii dheeraa inta aad sheegtay welwel, fakar badan, xanaaq joogto iyo niyad jab.
Wixii kugu soo kordho oo caafimaadkaaga ah waad iigu soo gudbin kartaa halkaan, caafimaad baan kuu rajaynayaa.