Su'aal: Waa maxay cudurka Cystic fibrosis?

[Axmed Caydaruus]

Asc dr waa idiin salaamay aad ayaad ugu mahadsan tihiin wacyegelintiina joogtada ah alle kheyr ha idin siiyo ee waxaan rabay in aad inoo faa'ideysaan cudurka cystic fibrosis oo genetic disorders ka mid ah mahadsanidiin

[SomaliDoc]

Cystic fibrosis waa xanuun saameeya xubnaha jirka, waa xanuun hidde-raac ah oo la kala dhaxlo, wuxuu aad ugu badan yahay dadka cadcad.

Cilmibaarayaashu waxay sheegeen in cilladu ay ka jirto hidde-wade loo yaqaano "CFTR", kaasoo saameeyan ku yeelan karo qeybo badan oo jirka ka mid ah.

Astaamaha lagu garto waxaa ka mid ah:

• Dhidid leh cusbo badan
• Howlgab ku dhaco qanjirka ganaca "Pancreas"
• Tubooyinka qarasta qaada oo xannibma.
• Dheefshiid xumo
• Caabuq sambabada oo soo noqnoqdo maadaama difaaca hawo mareenka uu khalkhala galayo.

Horumar badan kadib, hadda waxaa la awoodaa in xanuunkaan la ogaado iyadoo hooyada uur leedahay in uurjiifkeeda uu qabo xanuunkaan iyo in kale.

Qofka xanuunkaan qabo wuxuu u baahan yahay la socod joogto ah dhinaca caafimaadkiisa, weliba dhowor dhakhtar oo kala takhasusaat duwan.