Somali Medical Forums
Diseases and Conditions => Qaybta Wacyi Galinta => Topic started by: SomaliDoc on September 03, 2015, 02:03:41 PM
-
(http://somalidoc.com/Topics/toobin.png)
Toobintu waa sunno caafimaad ah oo aan ka dhaxalnay rasuulkeena suuban nabadgalyo iyo naxariis korkisia ha ahaato.
Toobinka wuxuu qeyb muhiim ah ka yahay cilmiga caafimaadka ee nabiga "prophetic medicine".
Inkastoo dagaal xoogan lagula jiray in muddo ah in qeybo badan oo ka mid ah caafimaadka diinteena noo sheegtay in la aqoonsado ama asal caafimaad loo yeelo si loo adeegsado, laakiin hadda sidii hore ma ahan, cilmibaarayaal reer galbeedka u badan ayaa waxay diraaseeyeen qeybo badan oo ka mid ah daaweynta nabigeena kana qoreen buugaag dhowr ah taasoo ku kalliftay in lagu biiriyo kulliyadaha caafimaadka iyo isbitaallada lagu daaweeyo bukaannada kala duwan.
Waxaa ka mid ah arrimahaas ku daaweynta malabka, xabad sowdada, toobinta iyo kuwo kale.
Horay waan uga soo hadalnay malabka, toonta iyo xabad sowdada, laakiin maanta waxaan ka hadli doonaa Toobinta hadduu alle idmo.
Toobintu waxaa loo isticmaalaa ka hortag cudur iyo daaweyn cudur labadaba, caalamkane dhawaantaan ayuu ku baraarugay arrintaan ahmiyaddeeda khaas ahaan 5-tii sano ee ugu dambaysay, haddane jaamcadaha waaweyn qaarkood waxaa laga bixiyaa tababarro shahaado wata oo ku saabsan toobinta, sidoo kale isbitaallada qaar ka mid ah waa lagu sameeyaa.
Waxaa intaa sii dheer in ay suubsameen xarumo cilmibaaris oo isku taxallujiyay cilmibaarista iyo daryeelidda dadka khibradda u leh ku daaweynta toobinka oo laga dhaqan galiyay wadamo dhowr ah.
Waxaa ugu firfircoon kooxahaas jamciyad ka howlgasho dalkaan ingiriiska oo u khaas ah toobinta "British Cupping Society (http://www.britishcuppingsociety.org/)", waxayna qabtaan shirar, iyo tababarro, waxay kaloo taakuleyn siiyaan ama ku caawiyaan daabicista cilmibaarisyada la xiriira ku daaweynta Toobinta.
Haddii aan isku dayo in aan soo koobo waxii lagu soo daabacay qoraallada ay jamciyadda ingiriiska diyaarisay kuwaas oo ku saabsan xanuunada ay baaritaannada ku arkeen in toobinta ay wax ka tarto waa kuwaan:
- Cilladaha dhiigga ku dhaca sida dhiigyarida (http://somalidoc.com/smf/index.php/topic,251.msg606.html#msg606) iyo cilladaha xinjiroobis la'aanta dhiiigga
- Xubno xanuunka iyo cilladaha laabatooyika sida roomaatiisamka, seedo xanuunka (http://somalidoc.com/smf/index.php/topic,2543.0.html) iyo riixa (http://somalidoc.com/smf/index.php/topic,2190.msg6896.html#msg6896).
- Madax xanuunka noocyadiisa kala duwan, kan diiqada, goonjabka (http://somalidoc.com/smf/index.php/topic,298.msg687.html#msg687) iyo midka ka yimaado caabuqa sanqada (http://somalidoc.com/smf/index.php/topic,5636.msg15111.html#msg15111).
- Cilladaha maqaarka ku dhaco sida findoobka (http://somalidoc.com/smf/index.php/topic,2102.msg6729.html#msg6729), xasaasiyadda maqaarka (http://somalidoc.com/smf/index.php/topic,532.msg1308.html#msg1308).
- Dhiigkarka (http://somalidoc.com/smf/index.php/topic,4269.msg12232.html#msg12232)khaas ahaan kan daawada la qabsan la'
- Welwelka (http://somalidoc.com/smf/index.php/topic,5865.msg15837.html#msg15837), niyad jabka (http://somalidoc.com/smf/index.php/topic,878.msg2551.html#msg2551) iyo caajiska.
- Xanuunnada xasaasiyadda sida sanboorka (http://somalidoc.com/smf/index.php/topic,5658.msg15171.html#msg15171) iyo neefta/xiiqa (http://somalidoc.com/smf/index.php/topic,351.msg827.html#msg827).
- Cillada xidido bararka (http://somalidoc.com/smf/index.php/topic,1460.msg4820.html#msg4820).
- Xanuunka iyo lurka jirka (http://somalidoc.com/smf/index.php/topic,5674.msg15232.html#msg15232)taasoo ka dhalan karo xanuunno kala duwan.
- Xanuunka neerfaha sinta galo ee loo yaqaanno "Sciatica" (http://somalidoc.com/smf/index.php/topic,4611.msg13015.html#msg13015), waxaa kaloo akhrisataa sida isla xanuunkaan loogu daaweeyo isticmaalka subagga Idaha: http://somalidoc.com/smf/index.php/topic,5927.0.html (http://somalidoc.com/smf/index.php/topic,5927.0.html)
- Hurdo xumida iyo qarawga (http://somalidoc.com/smf/index.php/topic,3602.msg10819.html#msg10819)
- Subagga iyo dufanka dhiigga ee Kolestaroolka (http://somalidoc.com/smf/index.php/topic,1461.msg4821.html#msg4821)
- Xanuunka Gout-ka (http://somalidoc.com/smf/index.php/topic,3654.msg10931.html#msg10931) ee suulasha galo
- Kogsanaanta iyo cadaadiska muqaha iyo seedaha khaas ahaan kuwa qoorta iyo dhabarka (http://somalidoc.com/smf/index.php/topic,1436.msg4747.html#msg4747)
Waxa la yaabka leh waxay tahay xanuunada kor lagu xusay oo toobinta looga hortago ama lagu daaweeyo waxay u badan yihiin xanuunno aanan ilaa iyo hadda loo haynin daawooyin looga bogsado laakiin ay jiraan kaliya daawooyin kaalmaati ah.
Toobinta siyaabo kala duawn ayaa loo adeegsadaa, waxaa jiro toobin qallalan "dry cupping" oo iyadoo qofka la sarin la adeegsado iyo toobin qoyan "wet cupping" oo in qofka la saro muhiim ay tahay.
Dhakhaatiirta adeegsato toobinta waxay ku taliyaan in laga fogaado isticmaalka xaaladahaan soo socdo:
1- Xilliga uurka (http://somalidoc.com/smf/index.php/topic,1203.msg3528.html#msg3528)
2- Xilliga caadada (http://somalidoc.com/smf/index.php/topic,2145.msg6833.html#msg6833)
3- Hadduu qofka kansar faafay (http://somalidoc.com/smf/index.php/topic,484.msg1178.html#msg1178) uu leeyahay
4- Hadduu qofka jaban yahay.
Waxay kaloo ku talinayaan in aanan toobinta lagu kor samaynin meelaha xididada halbowlayaasha ay maraan, in meel nabar leh iyo meel xidid bararan uu maro in aan lagu dul samaynin.
Toobintu waxay ka faa'ido badan tahay duugista jirka "massaging" oo la sameeyo xilliyadaha qofka uu raadinayo firfircooni iyo nasiinno jirka ah ama xilliga uu qofku uu ka cabanayo daal joogto ah.
Digniin:
Haddii aad rabto in aad is toobtid iska ilaali waxyaabahaan soo socdo:
- Infekshanka: maadaama la adeegsanayo qalab lagugu sarayo ama lagugu nuugayo waa muhiim in aysan qalabkaas kaa soo gaarin wax infekshan ah oo ka yimid qof kale sida AIDS-ka (http://somalidoc.com/smf/index.php/topic,446.msg1032.html#msg1032), Cagaarshowga (http://somalidoc.com/smf/index.php/topic,633.msg12377.html#msg12377) iyo wixii dhiigga laga kala qaado.
- Khibradda: Ku dadaal qofka ku toobayo in uu yahay qof aqoon u leh toobinta, maxaa yeelay haddii aan si sax ah loo samaynin waxay kuu keeni kartaa dhib, sida in dhaawac maqaarka ah ku gaaro, dhiigbax siyaado ah ama dilaac xididada yaryar ee jirka.
- Nadaafadda: Isla hubi qofka samaynayo nadaafaddiisa iyo taxaddarka dhinaca ka hortagga cudurrada si uusan kuu gaarsiin cudur aadan qabin, maxaa yeelay waxyaabaha ugu badan ee bulshada soomaalida ku kala qaadi karto toobinta haddii qalab la isla isticmaalo waxaa ugu horreeya xanuunka cagaarshowga "hepatitis B ama C" (http://somalidoc.com/smf/index.php/topic,633.msg12377.html#msg12377) oo aad noogu badan.
Akhriso Faa'idada Malabka: http://somalidoc.com/smf/index.php/topic,3929.0.html (http://somalidoc.com/smf/index.php/topic,3929.0.html)
Akhriso Faa'idada Xabadsowdada: http://somalidoc.com/smf/index.php/topic,5502.0.html (http://somalidoc.com/smf/index.php/topic,5502.0.html)
Haddii aad qabtid wax su'aalo ah, noogu soo dir halkaan: http://somalidoc.com/smf/index.php/board,31.0.html (http://somalidoc.com/smf/index.php/board,31.0.html)
http://somalidoc.com (http://somalidoc.com)