Somali Medical Forums
Diseases and Conditions => Qaybta Su'aalaha => Topic started by: Janaale on November 17, 2016, 12:00:59 PM
-
Asc... dhamaan dhakhiirta iyo dadweynaha... salaan kadib dr wxan qabaa 2 suaalod oo kala ah:
1: bidaarta ma lagu kala qaadaa in la isticmaalo hal shanlo macnaha hadii sxpkaa bidaar leeyahy oo kle aaadna isla isticmashaan shanlada?
2: toonta subixii anoo aan wxba cunin markan tooso ma cuni karaaa? mise dhibatay keenaysaaa? jazaakaakumulaah.kheyr jazaaa.
-
(http://somalidoc.com/Topics/shanlo.png)
Bismillah,
Waa qoraal daba socda su'aashii ahayd "bidaarta ma lagu kala qaadi karaa shanlada oo la isla wadaago?"
Jawaabtu waa" Maya, laakiin waxaa jira dhowr cudur oo lagu kala qaadi karo shanlada haddii la isla isticmaalo, kuwaasoo kala ah:
- Cudurka injirta ee "Pediculosis": Injirta waa lagu kala qaadaa shanlada, waxayna keentaa cudur basada galo oo loo yaqaano "Pediculosis", ka akhriso halkaan qoraal aan hadda ka hor uga hadalnay: http://somalidoc.com/smf/index.php?topic=634.0 (http://somalidoc.com/smf/index.php?topic=634.0)
- Isnadaamiska: Jeermiska keeno cudurka isnidaamiska waa lagu kala qaadaa wadaagista shanlooyinka iyo shukumaannada, akhriso qoraal kuu faahfaahin doono xanuunkaan waxa uu yahay: http://somalidoc.com/smf/index.php?topic=1078.0 (http://somalidoc.com/smf/index.php?topic=1078.0)
- Cambaarta madaxa: jeermiska fangaska ee tinta ka buubiyo basada, loona yaqaano "Tinea Capitis" waa lagu kala qaadaa wadaagista shanlada, akhriso qoraal ku saabsan cudurkaan: http://somalidoc.com/smf/index.php?topic=1682.0 (http://somalidoc.com/smf/index.php?topic=1682.0)
- Caabuqa jiridka tinta basada ee "Folliculitis": waa infekshan ay keento bakteeriyada loo yaqaano "Staph", qofka wuxuu dareemaa tinta salkeeda inay nabro xanuun badan oo dheecaan leh ay ka soo yaacaan, haddii qofka qabo xanuunkaan aad wadaagtaan shanlada waad kala qaadi kartaan caabuqaan.
Afartaas cudur ayaa la isku waafaqsan yahay in lagu kala qaado wadaagista shanlada, buraashka, koofiyadda iyo kulladda, inta ka soo hartay sida bidaarta, AIDS-ka, cagaarshowga iyo kuwa kale oo badanba laguma kala qaado.
Akhriso Cudurrada Lagu Kala Qaado Shumiska: http://somalidoc.com/smf/index.php?topic=6655.0 (http://somalidoc.com/smf/index.php?topic=6655.0)
Haddii aad su'aalo caafimaad ah qabtid iigu soo dir qeybta su'aalaha: http://somalidoc.com/smf/index.php?board=31.0 (http://somalidoc.com/smf/index.php?board=31.0)
http://somalidoc.com (http://somalidoc.com)