Somali Medical Forums
Diseases and Conditions => Qaybta Wacyi Galinta => Topic started by: SomaliDoc on May 08, 2016, 07:14:23 PM
-
(http://somalidoc.com/Topics/lallabo.png)
Waxaan qoraalkaan uga hadli doonaa sababta keento in aad dareentid lalabo iyo yalaalugo marka aad subaxii hurdada ka soo toostid, taasoo kuu diidaysa in aadan quraacan karin, waana arrin dad badani dareemaan.
Arrintaan way ka duwan tahay wallaca ay dareemaan haweenka uurka leh, mana kala lahan rag iyo durmar, waxyaabaha keeno waxaa ka mid ah:
- Gaajada iyo Sokorta oo dhacsan: waa waxa ugu badan oo keeno lallabada subaxii hore, waxaana lagu fahmaa arrintaan in qofka uusan subaxii hore waxba cuni karin illaa uu muddo soo jeedo mooyee, markii barqo la gaaro ayaa dhici karto in qofka si caadi ah wax u cuni karo, waxaa arrintaan keeno in aad ka soo toostid adigoo gaajo ku hayso, sonkorta dhiigaagane ay dhacsan tahay.
Dadka badanaa sidaan noqdo waxaa lagula taliyaa in subaxii hore xilliga salaadda ay wax cunaan ama sariirta dhinaceeda ay dhigtaan malab si ay u isticmaalaan inta aysan sariirta ka soo dagin, iskana ilaali in aad seexato habeenkii casho la'aan. - Oonka: Qofka hadduu jiifto isagoo ooman, wuxuu la soo toosaa lallabo, tanne waa in qofka uu ka digtoonaadaa.
- Gaas iyo Laabjeex: Waxa kulul ee qofka calooshiisa ka soo rogmado waxay sabab u noqdaan laabjeex, khaasatan haddii aad dareentid cashada ka dib, tan waxay wadataa laab-hur ama dibbiro, waa in qofka uu daawo gaas qaataa inta uusan jiifanin.
- Dheef-shiid xumada: dadka ka sheegto daaco-shiirka khaasatan markay cunno culus ku jiiftaan, waxay tilmaan u tahay in cunnadii aanan safiican loo shiidin, waxaana subaxii hore la dareemaa lallabo.
- Xanuunka Xameetida: dadka qabo xanuun xameeti ama dhagaxaan xameetida ay kaga jiraan iyagane waxa la soo toosi karaan lallabo, akhriso qoraal ku saabsan xanuunka xameetida: http://somalidoc.com/smf/index.php?topic=5490.0 (http://somalidoc.com/smf/index.php?topic=5490.0)
- Daawooyinka: daawooyinka qaarkood waxay keenaan lalabo subaxii hore, waxaa ka mid ah daawooyinka xanuun baab'iyayaasha iyo kuwa kansarka loo qaato.
- Welwelka iyo Niyad-jabka: waxay keenaan calool qasan iyo lallabo subaxii, tan waxay ka dhalataa hormoonada stress-ka oo kacsan aawadeed.
Akhriso FAA'IDADA KU JIRTO IN LA QURAACDO: http://somalidoc.com/smf/index.php?topic=4588.0 (http://somalidoc.com/smf/index.php?topic=4588.0)
Haddii aad su'aalo caafimaad qabtid iigu soo dir qeybta su'aalaha: http://somalidoc.com/smf/index.php?board=31.0 (http://somalidoc.com/smf/index.php?board=31.0)
http://somalidoc.com (http://somalidoc.com)