Somali Medical Forums

Health Related Forums => Health News and Events => Topic started by: Waxbaro! on May 26, 2011, 07:12:02 PM

Title: DIGNIIN: JOOJI ISTICMAALKA FASCO CREAM!
Post by: Waxbaro! on May 26, 2011, 07:12:02 PM
(http://skinverse.files.wordpress.com/2010/08/creams-containing-mercury-fasco-herbal-cream.jpg)
KAREEMKAAN OO LOO ISTICMAALO IN KORKA LAGU IFIYO AMA LAGU CADEEYO WAXAA LAGU SAMEEYAY WADAMA EESHIYA, WAXAA KU QORAN KAREEMKAAN IN LAGA SUUBIYAY WALXO DABIICI AH OO JIRKA FAAIDO UGU JIRA.

KAREEMKAAN OO BAARITAAN LAGU SAMEEYAY LAGU OGAADAY IN AY KU JIRTO MAADADA MEERKURIGA "MERCURY" OO AH MAADDO SUN HALIS AH OO QOFKU U DHIMAN KARO HADDUU KU SUMOOBO, WAXAA LA ARKAY HEERKA MEERKURIGA KU JIRA KAREEMKAAN INUU GAARSIISANYAHAY 4600 MALYANKIIBA.

KAREEMKAAN WAXAA AAD U ISTICMAALO DUMARKA SOOMAALIYEED KUWA WADANKA JOOGA IYO KUWA DIBADAHA KU NOOL LABADABA, BAARITAANKAAN WARBIXINTIISA OO SHALAY AY SOO SAARTAY QAYBTA CAAFIMAADKA EE GOBOLKA MINNESOTTA AYAA WAXAY BOOQATAY DUKAAMO KU YAALLA XAAFADDA SOOMAALIDA U BADANTAHAY "CEDAR-RIVERSIDE - MINNEAPOLIS", WARAYSI LALA YEESHAY MILKIILAYAASHA DUKAAMADAAS AYAA SHEEGAY IN AYSAN WAX DHIB AH KU OGEYN KAREEMKAAN, SOOMALIDANE AY AAD U ISTICMAASHO.

MAADADA MEERKURIGA WAXAA SI SAHLAN LOOGA NUUGAA OOGADA KORE EE JIRKA.

SABABTA KEENTAY IN SOOMAALIDA AAD AY U ISTICMAALAN KAREEMKAAN AYAA AH BEENTA KU QORAN BAAKADKA KAREEMKA OO SHEEGEYSO IN AY TAHAY DABIICI 100% LAGANA SAMEEYAY FITAMIINNO IYO GEEDO NAFAQO LEH.

KAREEMKAAN WUXUU WATAA MAGACYO KALA AH: FASCO HERBAL CREAM AMA FC LEMON HERBAL WHITENING CREAM.

FADLAN GAARSII FARRIINTAAN EHELKAAGA IYO ASXAABTAADA.