Somali Medical Forums

Diseases and Conditions => Qaybta Su'aalaha => Topic started by: Hassan Bile on September 21, 2011, 08:45:36 AM

Title: Su'aal: Xulbadu ma leedahay faaido caafimaaad?
Post by: Hassan Bile on September 21, 2011, 08:45:36 AM
waxaan rabaa inaan ogaado in ay xulbadu leedahay faaiido caafimad,  iyo wax nutrition facts ah hadii aad heysaan oo ku saabsan xulbada
Title: Faaidada Xulbada (Benefits of Fenugreek / Methi Seeds)
Post by: SomaliDoc on September 22, 2011, 01:35:13 PM
(http://www.somalidoc.com/Topics/xulbada.jpg)
Xulbadu waa geed daaweed faaido badan u leh biniaadanka, xulbadu waxaa ka buuxa borotiin iyo maadada loo yaqaanno Fosfoor, waxayna faaidadeeda nafaqo u dhigantaa beerka nibiriga maadaama boqolkii garamba ay ku jirto 4400 milligram oo borotiin.

100-kii garaam ee xulbo ah waxaa ku jirta nafaqo ahaan:
1- 6000 Milligram oo carbohydrate ah
2- 4400 Milligram oo borotiin ah
3- 900 Milligram oo dufan ah
4- 395 Milligram oo calcium ah
5- 51 Milligram oo foosforas ah
6- 1.93 Milligram oo bir ah
7- Energy u dhigmo 49 Kilocalories

Xulbadu markii la kariyo waxay faaido u leedahay nafaqaynta iyo in ay wax cayiliso.

Markii la karkariyo waxaa loo cabi karaa calool xanuunka iyo feero xanuunka.

Waxaa kaloo faaido fiican u leedahay gabnaha caatada xilliga qaangaarka maadaama ay sare u qaaddo hormoonada jirkooda ku jiro waxayna furtaa abitaytka.
(http://www.elnasrltd.com/resources/Editor/kcfinder/upload/images/fenugreek-large.png)
Markii la rabo in ay cunnada furto, 30 gram oo xulbo ah ayaa waxaa lagu daraa 1 litir oo biyo karkarsan waxaana la cabaa cunnada nus saac ka hor si ay cunnada uga caawiso xagga shiidka iyo ka faaideysiga jirka.

Haddii saliid laga dhigo faaidadeeda waxaa ka mid ah in hooyada naaska nuujiso ay caano badan u keento, haweenka caadada ku xanuunsadane in ay ka khafiifiso oo si sahlan uga timaado.

Waxaa kaloo lagu daaweeyaa nabraha ku samaysma dadka sonkorta qabo, waxaa kaloo daawo u tahay calool adeegga iyo babaasiirta.

Haddii lagu luqluqdo waxuu daaweeyaa qumanka, haddii la isku huuriyane wuxuu yareeyaa qufaca siyaadada ah.

F.G: Haddii aad leedahay uur, ha qaadanin xulbada waxay saameyn kartaa korriinka maskaxee ee uur jiirka, sonkortaada way ridi kartaa, minkane way maroojin kartaa oo foosha ayay soo dadajisaa
Haddii aad doonayso in aan kaaga warbixinno faaidada caafimaad dhir daaweed ee aad xiisaynayso, fadlan nala soo xiriir..
http://somalidoc.com (http://somalidoc.com)
Title: Re: Su'aal: Xulbadu ma leedahay faaido caafimaaad?
Post by: Hodanay on September 22, 2011, 11:54:25 PM
well done doc.  xulbada waaxaan bilaabay in aan caabo markaan ogaaday faaidadeeda lakiin qeebta dadka ay cayiliso ma ogeen marka waa joojinayaa lolz
Title: Re: Su'aal: Xulbada iyo xilga foosha
Post by: Salaado cali on October 05, 2017, 02:21:56 PM
Asc Dr khayer Allah idinka siiyo hawsha as noo haysaan
Su'aashaydu waxay tahay xulbada ma  isticimaali karaa xilga San foosha Ku jiro si at iiga caawiso dadajinta foosha waxaan arkay dad isticimaal markay galaan bishab sagaala we uurka
Title: Re: Su'aal: Xulbadu ma leedahay faaido caafimaaad?
Post by: Akhaa Binu Jowhari on November 08, 2017, 12:43:44 AM
Fadlan Halkaan hoos ka akhriso Faa'iidooyinka Xulbada leedahay in badan ka ogow iyo xiriirka kala dhexeeyo uur jiifka


http://somalidoc.com/smf/index.php/topic,4120.0.html (http://somalidoc.com/smf/index.php/topic,4120.0.html)