Somali Medical Forums

Diseases and Conditions => Qaybta Su'aalaha => Topic started by: Gobdoon on January 20, 2017, 04:02:33 AM

Title: Su'aal: Biyaha Ragu ma dhamaadaan?
Post by: Gobdoon on January 20, 2017, 04:02:33 AM
Ascw, saaxiibkay OO Xaas iyo caruurba leh ayaa i sheegay, mudo 2 sano ah inaanay ka Iman biyihii Marka laga reebo In yar OO hal bixid ah, oo iyana Midab cagaran oo khafiifa.
Mudadaas caruuri uma dhalan. Beriguu Yaraa xanuun Kaadi dhiig uu ku sheegay ayaa ku dhacay,in kastoo uu mudo qarsanaayay wa laga daweeyay berigaas.
Su,aashaydu waa Biyaha Ragu sideedaba mA dhamaadaan isagoon ninku dada50 jirka gaadhin? Xaaladan gaarka ah ee walaalka maxaa kaga talabixinaysaan?
F/G:-Ogolaansho ayaan u haystaa so bandhigista xaalada gaarka ah.
Mahadsanidin.
Title: Re: Su'aal: Biyaha Ragu ma dhamaadaan?
Post by: SomaliDoc on June 11, 2017, 12:44:43 PM
Maya, shahwadu ragga kama dhamaato waana arrin uu Alle ugu talagalay oo si joogto ah ayaa loo soo saaraa, Raggu wuxuu soo saari karaa 2 ml oo shahwo ah, waxaana ku jiri kara xawo ama "sperm" oo 20 million, waa laga yaabaa xanuun dartiis in xawadu ay yaraato ama lawaayo, laakiin biyuhu way jirayaan mar walba.

Dumarku ugxantodu way dhamaataa oo iyadane waa arrin Alle ugu tala galay. Haweenku way ku dhashaan inta ugxan ay u baahnaan lahaayeen noloshooda, markay dhashaan ka dib wax ugxan ah lama sameeyo, waxaana la qiyaasaa in 2 million oo ugxan uu Alle ku abuuray haweenka laakiin qiyaastii 11,000 oo ugxan ayaa bil kasta dhimato inta ay haweentu ka qaan gaarayso.

Haddaan u soo laabto cilladda saaxiibkaa, kaadi dhiigga waxaa keeno cudurro kala duwan, kuwaasoo qaarkood raad dhaawac ku reebo kaadiheysta ama tubada xubinta taranka, cilladaas haday timaado waxaa badanaa dhaca in shahwadii banaanka u soo bixi lahayd ay dib ugu laabato kaadiheysta ama in shahwadu ay soo mari wayso tubada oo dhibic oo kale u soo baxdo.

Akhriso qoraal ku saabsan biyo-baxa aan shahwada wadan iyo waxyaabaha keeno: http://somalidoc.com/smf/index.php?topic=2157.0 (http://somalidoc.com/smf/index.php?topic=2157.0)