Somali Medical Forums
Diseases and Conditions => Qaybta Su'aalaha => Topic started by: Jibril Ahmed on May 21, 2017, 01:05:41 PM
-
Asc w wr Dr Mahdi & somalidoctor dhaman
Salan kadib.waad kumahad santihiin deeqda caafimaad & talada caafimaad ee aad ugu deeqdeen dad weynaha somaliyed waxan leeyahay ilahay ha idinka ajarsiiyo hana idiin siyaadiyo cilmigiina.
Waxan idin waydiinayaa maxaa keena xanuun xiga biyobaxa waxan dareemaa xanuun marka biyuhu iga imaan nayaan xanunkan waxan kadareemaa xubinta taranka ilaa lugta bidixda ah dhankeeda xiga dhanka midig ilaa jilibka ilaa xiniinta bidix mudo bilo ah baan dareemayey xanunkas mahad sanid dortor
-
Xilliga biyo baxa oo la dareemo xanuun waa cillad lagu arko ragga qaarkood waxaana laga dareemaa xubinta, qooraha, qaska illaa canjirrada lugaha.
Waxyaabaha ugu badan ee cilladahaan keeno waxaa ka mid ah:
- Caabuqa qanjirka borostaatada: waa qanjirka ragga ee u xilsaaran ragannimada iyo shahwada, hadduu infekshan qaado waxaa la dareemaa cillad dhinaca kaadida ah, wuxuuna mararka qaar keenaa xanuun xilliga biyo-baxa, akhriso qoraal ku saabsan xanuunkaan: http://somalidoc.com/smf/index.php/topic,2119.0.html (http://somalidoc.com/smf/index.php/topic,2119.0.html)
- Cilladda xannibo tubooyinka shahwada soo qaado, tanne waa cillad lagu garto xanuun siyaado ah xilliga biyo-baxa oo qofka xanuunkaan dartiis iskaga ilaaliyo inuu galmo sameeyo. waxyaabaha xiro tubooyinkaas waxaa ka mid ah dhagax ku samaysmay ama fiix ka soo baxday.
- Daawooyinka qaar sida kuwa niyadjabka, welwelka loo qaato, waxyeellada daawooyinkaas ayaa ka mid ah in shahwadu ku xanuunjiso.
- Cillad neerfo oo loo yaqaano "Pudendal neuropahty", waa neerfo qaska ku jiro oo biyo-baxa la shaqeeyo, hadduu neerfahaas jiran yahay ama dhaawac uu soo gaaray, waa la dareemaa xanuunak biyo-baxa.
- Waxyaabaha kale oo aan badnayn oo keeno xanuunka biyo-baxa waxaa ka mid ah caabuqa trichomoniasis ee galmada lagu kala qaado iyo cillad nafsi ah oo galmada la xiriirta, waxaana middaan dambo lagu fahmaa in xanuunka la dareemo kaliya xilliga galmada laakiin aan la dareemin xilliga siigeysiga.
Sidee loo baaraa cilladaan?
Maadaama muddo aad dareemaysid xanuunkaan waa qasab inaad dhakhtar la xiriirtaa si laguu waraysto oo loo kala sooco cilladaha aan kor ku soo xusay, kadibne laguu diro baaritaanno iskugu jira baaritaan kaadida ah iyo qalab kumbuyuutar oo la saarayo qanjirka borostaatada iyo xiniinyaha.
Sidee loo daaweeyaa xanuunka biyo-baxa?
Daawadu waxay ku xiran tahay cillada kuu keentay dhibkaan aad dareemaysid, laga yaabo in daawo antibiotic aad qaadatin inaad ku fiicnaatid ama qalliin aad u baahatid, laakiin waa muhiim inaad dhakhtar la xiriirtay aqoon u leh cabashadaada.
Haddii aad u baahan tahay faahfaahin dheeraad ah ama su'aalo khaas ah kugu taagan yihiin, igala soo xiriir qeybta messages-ka ee boggeena Facebook: https://www.facebook.com/HealthySomalia (https://www.facebook.com/HealthySomalia)