Author Topic: Sonkorta Dhiigga ee Hooseysa (Hypoglycemia)  (Read 12365 times)

0 Members and 1 Guest are viewing this topic.

Online SomaliDoc

  • Moderator
  • *****
  • Posts: 3548
  • Points: +3/-1
  • Gender: Male
  • Ilaahayow Dal Nabad Qaba iyo Dad Caafimaad Qaba!
    • Somali Medical Association
Sonkorta Dhiigga ee Hooseysa (Hypoglycemia)
« on: February 19, 2008, 10:57:23 PM »


Sonkorta dhiigga ee hooseysa macnaheedu waa inaadan lahayn sonkor kugu filan ama gulukoos dhiiggaaga ku jirta, sonkorta dhiigga ee hooseysa waxaa loo yaqaannaa hypoglycemia.
Gulukoos waxaa looga baahan yahay unugyada jirkaaga. Heerka sonkorta dhiigga caadiga ah waa 70-100. Heerka sonkorta dhiigga ee ka hooseysa 70 way hooseysaa.

Sababaha
Mararka qaarkood sababta lama yaqaanno, laakiin waxaa laga yaabaa inay ka timaaddo:
  • Insulin fara badan ama kaniiniyo sonkorow oo fara badan oo la qaato - (waa haddii aad Sonkor qabtid)
  • Cuntooyinka la seego ama la daahiyo ama qofka oo cunno xumi qabo.
  • Jir dhis fara badan ama jir dhis aan la qorsheysannin.
  • Xanaaqa iyo kacsanaanta hormoonada qaar waxay ridaa sonkorta e.g: dad ayay sonkorta ka dhacdaa markii ay dagaallamaan.

Calaamadaha
Waxaa laga yaabaa inaysan jirin calaamado digniin ama waxaa laga yaabaa:
  • Inaad dareento war-wareer, lulasho, isku dhex yaac, daciiftinnimo ama daallanaan
  • Dhidid
  • Dareento baahi
  • Dareento dabci beddel ama iska xanaaqaysid ama aan si kala cad u fekereynin
  • Aadan awoodin inaad hadasho
  • Aragga caad kaa fuulo
  • Aad dareento wadnaha oo si xawli ah kuu garaacaya
  • Aad dhinacyada afka iyo faruuryaha ka dareento kabaabyo
  • Maduxu ku xanuuno

Daryeelkaaga
Marka sonkorta dhiiggaagu ay hooseyso, waxaad u baahan tahay inaad cunto ama cabto cunto sonkor leh. Wax badan ha cunin. Dhiigga sonkortaadu waxaa laga yaabaa inuu kor u kaco, cun ama cab mid ka mid ah kuwaan:
  • ½ koob ama 120 millilitir oo casiir ah, Maahan cabitaannada sonkorta aan lahayn ama kalooriska aan lahayn.
  • 3 ama 4 kaniini oo gulukoos ah
  • 1 qaaddo ama 15 millilitir oo sonkor ah
  • 1 koob ama 240 millilitir oo caano ah
Sonkorta dhiiggaaga ku hubi 15 daqiiqadood. Haddii sonkorta dhiiggaagu ay weli ka sii yar tahay 70 ama haddii aadan ka soo raynin, cun ama cab qaadasho kale oo cuntadii ama cabitaankii la soo sheegay.
Marka sonkorta dhiiggaagu ay tahay 70 ama ka badan, waxaad weli u sii baahan tahay inaad wax cunto si aad sonkorta dhiiggaaga uga ilaaliso iney mar kale hoos u dhacdo.
  • Haddii ay kuu tahay waqtigii aad cuntada cuni lahayd, cun cuntadaadii caadiga ahayd.
  • Haddii cuntadaada xigta ay ka badan tahay saacad, cunto fudud sii cun. Isku day sandiwij barkiis iyo 1 koob ama 240 millilitir oo caano ah.

Si aad uga Hortagtid Sonkorta oo Hoos u Dhacda
  • Raac qorshaha cunto cunidda. Cun cuntooyin iyo cunno fudud isla waqti maalintiiba. Ha seegin hana ka daahin cuntooyinka.
  • Hubi oo diiwaan geli heerarka gulukoostaada. Haddii ay sonkortaadu hoos u dhacdo in ka badan 2 goor toddobaadkiiba, takhtarkaaga wac. Waxaa laga yaabaa in isbeddello lagu sameeyo cuntadaada, daawada ama sameynta jir dhiska.
  • Daawadaada sonkorowga u qaado sidii lagu faray. Ha qaadannin daawo sonkorow oo dheeraad ah iyadoo uusan takhtarkaagu kugula talinnin.
  • Si joogto ah jir dhis u samee.

Si aad Ammaan u Ahaato
  • Waqti kasta ha kuu yaallaan cuntooyinka sida shukulaato, malmalaaddo, iyo casiir.
  • Dadka kale ee kula shaqeeya ama kula nool u sheeg inaad sonkorow qabto iyo sida loo daaweeyo sonkorta hoos u dhacda.
  • Xiro jijin daawo ama sil-silad si aad dadka kale ugu sheegtid inaad sonkorow qabto waqtiga xaaladda deg-degta caafimaad.
  • Haddii aad qabto sonkorowga Nooca 1, dadka kugu dhow waa iney bartaan sida glucagons-ta la isugu duro. Glucagon waa dheecaan loo isticmaalo in kor loogu qaado sonkorta dhiigga marka uusan soo jeedin ama feejigneyn. Kalkaaliso ayaa bari karta sida la isu siiyo duridda glucagon.
  • Takhtarkaaga u tag marka aad sonkor dhiig oo hoos u dhacda oo joogta ah isku aragto ama kor u kac iyo hoos dhac ballaaran uu dhacayo.
  • Takhtarkaaga la hadal ka hor inta aadan billaabin cunto cayilka yaraysa.
  • Xafid ballamada takhtarka, kalkaalisada sonkorowga, iyo cunto qoraha, haddii aad Sonkorow qabtid.

Baro cudurka Sonkorowga iyo noocyadiisa: http://somalidoc.com/smf/index.php/topic,623.0.html
Wixii su'aalo ama walaacyo aad qabtid ku soo dir qeybta su'aalaha: http://somalidoc.com/smf/index.php/board,31.0.html

http://somalidoc.com


Abdullahi M. Mahdi waa dhakhtar soomaaliyeed oo ku takhasusay Cudurada Guud (Internal Medicine) Cudurada Faafa (Infectiouse Diseases) iyo Cudurada Dhulalka Kuleylaha (Tropical Medicine), Sidoo kale waa Qoraa si joogto ah bulshada uga wacyi galiyo boggaan "SomaliDoc.com" oo uu aasaasay bilawgii sanadka 2007.

Follow him on:
     

Somali Medical Forums

Sonkorta Dhiigga ee Hooseysa (Hypoglycemia)
« on: February 19, 2008, 10:57:23 PM »

Offline Shire

  • Newbie
  • *
  • Posts: 11
  • Points: +0/-0
Re: Sonkorta Dhiigga ee Hooseysa (Hypoglycemia)
« Reply #1 on: October 30, 2015, 03:30:05 PM »
adbad umahasantihin suaashayda ugu danbaysa waxay tahay hadi an iska isticmaalo dawadaaas ad kor kuso qortay oo ad dhahday dhididka ayay yaraysaa ano isbaarin wax dhib ah miyay ikenikartaaa?

Online SomaliDoc

  • Moderator
  • *****
  • Posts: 3548
  • Points: +3/-1
  • Gender: Male
  • Ilaahayow Dal Nabad Qaba iyo Dad Caafimaad Qaba!
    • Somali Medical Association
Re: Sonkorta Dhiigga ee Hooseysa (Hypoglycemia)
« Reply #2 on: November 04, 2015, 10:43:46 AM »
Inta aadan isticmaalin daawo waa in aad dhakhtar la kulantaa marka hore.
Daawadaan kama mid ahan daawooyinka sida tooska ah loo gato ee loo yaqaano "Over-the-counter medicines"
Abdullahi M. Mahdi waa dhakhtar soomaaliyeed oo ku takhasusay Cudurada Guud (Internal Medicine) Cudurada Faafa (Infectiouse Diseases) iyo Cudurada Dhulalka Kuleylaha (Tropical Medicine), Sidoo kale waa Qoraa si joogto ah bulshada uga wacyi galiyo boggaan "SomaliDoc.com" oo uu aasaasay bilawgii sanadka 2007.

Follow him on:
     

Offline Shire

  • Newbie
  • *
  • Posts: 11
  • Points: +0/-0
Re: Sonkorta Dhiigga ee Hooseysa (Hypoglycemia)
« Reply #3 on: November 04, 2015, 01:32:18 PM »
mahasanidin in badan

Somali Medical Forums

Re: Sonkorta Dhiigga ee Hooseysa (Hypoglycemia)
« Reply #3 on: November 04, 2015, 01:32:18 PM »

 

Su'aal:- Qofku inuu Xannuunka Sonkorta Qabo Maka Dareemi Karaa Kaadidda Urkeeda?

Started by AbdirizakBoard Qaybta Su'aalaha

Replies: 1
Views: 3982
Last post January 06, 2012, 10:02:19 PM
by SomaliDoc
Su'aal: Urinary Tract Infection Xiriir Mala leeyahay Sonkorta?

Started by AbdirizakBoard Qaybta Su'aalaha

Replies: 1
Views: 1669
Last post September 21, 2011, 03:34:30 PM
by SomaliDoc
Su'aal: Ma isticmaali karaa sonkorta ay isticmalan dadka sokorta qaba?

Started by AmulaBoard Qaybta Su'aalaha

Replies: 1
Views: 479
Last post February 28, 2016, 05:18:12 PM
by SomaliDoc
Su'aal: Timirta malaga qaadi karaa cudurka sonkorta?

Started by Cali AsaaroBoard Qaybta Su'aalaha

Replies: 1
Views: 1646
Last post July 25, 2015, 10:56:17 AM
by SomaliDoc
Su'aal: Bio-therapy devices & wax u tarkeeda cudurka sonkorta?

Started by AbdihakiimBoard Qaybta Su'aalaha

Replies: 1
Views: 163
Last post October 26, 2016, 06:24:43 PM
by SomaliDoc