Su'aal: Xaaskayga mar labaad uma galmoon kari?

[Aadmiga]

1)asc waxaan ahay xaasle cusub xaaskayga kulan labaad lama qaadan kari hadaa hal mar galmoodo awalna saas ma aheen, maxaa sababay?
ikfashin maajiro waxay xaaskayga ii sheegtay in marar uu ka yimaado dheecaan cad oo dareen ku imaan ma sababi karaa arinta i haysata. uurkana ma hor istaagi karaa ikfashinkaas haduu jiro.
2)tan labaad shahwadeeda ma boodayso tiiro saasa malahan markay iga timaado sabab ma u noqon kartaa inay xaaskayga uur ii qaadi wayso.
fadlan dag dag iigu soo jawaaba

[SomaliDoc]

Qasab ma ahan in mar walba aad laba tooko / jeer ciyaartid, jirkaaga isbadal ayaa ku imaan kara, mar walbane sidaadii hore ahaan maysid waa arrin dabiici ah oo raggu ka wada siman yihiin, intaas waxaa dheer markaa galmada hore samaysid in jirkaaga uu galo marxalad nasasho ama soo kabsasho ah taasoo dhakhaatiirta u yaqaanaa "Refractory period", raggu way ku kala duwan yihiin arintaas, qaar baa saacado ku filan tahay, qaarne maalmo ayay u baahan yihiin, waxyaabaha xadidi karo arintaan waxaa ka mid ah da'da, caafimaadkaaga, dareenkaaga iyo xaaladda jir iyo maskax ahaan ee aad ku sugan tahay markaas, tusaale ahaan haddii aad daalan tahay waxaa laga yaabaa inaad hurdo la dhacdid markaad howsha qabatid ama aadba murqo xanuun ka qaadid, sidoo kale hadduu welwel ama niyadjab jirto marka waa arrin ku xiran marba sida aad tahay ee wax laga welwelo ma ahan. 

Midda ku saabsan tiirada ama gantanka biyaha oo gaabta waa arrin si dabiici ah ku imaan karta xanuun la'aan, laakiin wax saameyn ah kuma lahan uurqaadista sababtoo ah waxa shahwada ku jiro walxo alle ugu talagalay inay xawaare ku socdaan oo ugxanta iyagaa raadsanayo ee biyaha inay meel fog gaaraan kuma xirna. tan waxaa la mid ah su'aal kaloo dhowr jeer lamaanaha isku cusub isoo waydiiyaan oo ah biyaha oo dib u soo noqdo ama soo daato howsha ka dib ma cillad baa oo uur la'aan amay ka dhalan kartaa, jawaabtaasi iyadoo faahfaahsan ka akhriso halkaan: http://somalidoc.com/smf/index.php?topic=5837.0