Aaryo ka soo baxda xubinta taranka ee haweenka waa xaalad jirta laguna magacaabo "Flatus Vaginalis ama Vaginal Flatulence", waxayna ka dhalataa aaryo ku aruurtay xubinta taasoo cadaadis xoog leh ku soo baxdo wax yar ka dib weliba markuu qofku sameeyo wax cadaadis abuuraya sida in qofku fadhiisto, fooraarsado ama isagoo waxba smaynin mararka qaar.

Hawadaa markii ay soo baxayso waxay lahaan kartaa gariir ama guuxba.

Waxay badanaa hawada gashaa xilliga galmada, jimicsiga ama adigoo waxna samayn haddii aad leedahay murqo dabacsan ee xubinta taranka (sida dhalmada ka dib)

Hawada waxay u soo baxaysaa sidii dhuusada oo kale laakiin malahan wax ur ah, inkastoo wax dhibaato caafimaad aysan laheen laakiin waa wax xishood iyo dhaxdin ku abuura qofka markuu isku arko.

Hadii hawadaa soo baxayso ay leedahay ur sida dhuusada oo kale waa in dhakhtar u tagtaa maadaama ay keeni karto "Fistula" ama dalool isku furan oo u dhaxeeyo dabada iyo siilka.

Xaaladaan kuma xirna da'da iyo gabarnimadaba.

Waxaan xaaladaan lagu daaweeyaa jimicso loogu tala galay xoojinta muqaha miskaha iyo xubinta taranka waxaa jimicsigaas loo yaqaannaa "Kegel Exercice".

Waxaa looga hortagi karaa adigoo gashta kastuumo hawa.

---

Hadii aad qabto su'aalo dheeraad ah waad na soo weydiin kartaa.
SomaliDoc