Su'aal: Dhukayga (Wax ) muxuu faaiido uleeyahay Dhegta?

[Cishqimagan]

Dhukayga (Wax ) muxuu faaiido uleeyahay Dhegta? Bahalka Suufka afka kuwata Oo dhegaha lagaga Soo saaro Dhukayga Wax saameyn ah  Maku leeyahay  Dhegaha?

[SomaliDoc]

Waad ku mahadsan tahay in aad su'aashaan na soo waydiisay, sababtoo ah dad badan ayaa aaminsan in dhukayga uu yahay wasakh dhagta ku aruurtay oo u baahan in laga nadiifiyo.

Dhegta qeybteeda dibadda wuxuu Alle ku abuuray qanjiro sameeyo dhukayga, markii la sameeyo kadib, wuxuu u dhaadhacaa gudaha.

Dhukayga wuxuu leeyahay faa'idooyin badan oo ay ka mid tahay:

• Wuxuu qooyaa dhegta, kana ilaaliyaa qallaylka iyo cuncunka.
• Dhukayga waxaa ku jiro maaddo jeermiska kala dagaallanto in dhagaha wax gaarsiiso.
• Dhukayga wuxuu xuubka maqalka ka ilaaliyaa inuu dhaawac gaaro oo si fudud wax kuma gaari karaan.
• Haddii boor, cayayaan ama wasakh dhegta gasho, dhukayga ayaa ka hor istaaga inay gudaha u gasho, oo wuxuu u shaqeeyaa sida wasakh celin oo kale.

Badanaa qofka uma baahno inuu dhagahiisa ka soo saaro dhukayga khaasatan hadduusan dhib ku haynin, weliba caruurta dhagaha looma nadiifiyo illaa inuu dhakhtar ku taliyo mooyee.

Waxyaabaha keeno in dhegta la nadiifiyo waxaa ka mid ah: in dhukayga uu dhegta owday oo maqalka yaraaday.
Waa muhiim in laga fogaado in dhagaha la qoryeeyo maadaama dhaawac gaari karo xuubka maqalka oo hadduu dilaaco halis noqon karto.
Haddii aad su'aal caafimaad qabtid ku soo waydii qeybta su'aalaha: http://somalidoc.com/smf/index.php?board=31.0
http://somalidoc.com