Somali Medical Forums

Diseases and Conditions => Qaybta Su'aalaha => Topic started by: Shaafa Kabayare on December 01, 2016, 12:11:15 PM

Title: Su'aal: Qolofta ama jilifta ku dhalata qooraha?
Post by: Shaafa Kabayare on December 01, 2016, 12:11:15 PM
asc
salaan kadib aad baad u mahadsan tihiin bahweynta somalidoc oo har iyo habeenba u heellan in ay u adeegaan bulshadooda.
waxaan qabaa su'aal waxa ay tahay su'aashu jilifta /qolofta maqaarka sare ee qooraha ama kiishka xiniinyaha ku sameysanta
maxay tahay? weliba ayadoo wax dhaawac ah aysan qofka gaarin.
gaar ahaan xilliyada qaboobaha ayaan anigu isku arkay.
mahadsanidiin.
insha Allah jawaab wacan
Title: Re: Su'aal: Qolofta ama jilifta ku dhalata qooraha?
Post by: SomaliDoc on December 28, 2016, 07:40:45 PM
Qolofta ama jilifta ku samaysanto qooraha waxyaabo badan ayaa keena laakiin hadduusan la socon wax xanuun ah ama cuncun ama nabaro furuuruc ah oo ka soo yaaco sida aan ka filayo cabashadaada, waxay noqon kartaa cilladda loo yaqaano "Scrotal dermatitis" ama "Scrotal Eczema".

Waa nooc ka mid ah xasaasiyadda qooraha ku dhacdo, wuxuu qofka isku arkaa qolof ku samaysanto qooraha, kadibne ka daadanayso, maalmo ka dib haddane dib u soo fuulayso, waxaa u daran xilliyada qabowga sida aad tilmaantay, markaas oo jirka aad u qalalo.

Qofka qabo cilladaan waxaa lagu yaqaanaa inuu xasaasiyad ku qabo waxyaabaha qaar ama uu leeyahay mid ka mid ah cilladahaan sida sanboorka, cuncunka indhaha, xajiinta jirka ama neefta ama xiiqda.

Waxaad u baahan tahay in aad la xiriirtid dhakhtar maqaarka ku takhassusay si laguu eego, daawane laguugu qoro.