Author Topic: Su'aal: waxaa i xanunayo labada lafdheer ee u dhaxeeyso jilibka ilaa iyo qoobka?  (Read 14913 times)

0 Members and 1 Guest are viewing this topic.

Offline Cadceed

  • Newbie
  • *
  • Posts: 2
  • Points: +0/-0
  • Gender: Male
frist waxaan salamaya dhamaan aqyaarta iyo wax garadka websitkan salaan kadib hadan u gudbo topic geyga ayaa ah
waxaa i xanunayo labada lafdheer ee u dhaxeeyso jilibka ilaa iyo qoobka cagta xanuun wato dikaan ma i xanuunayaan watiga aan fadhiyo ama aan jiigo ama aan socdo kaliya waxey i xanuunaan waqtiga aan foball ka dhelaayo 10 min kadib xanuun ayaay igu bilaban mana ahan xanuun an u adkeysan karo ilaa aan ciyaarta ka baxo hada ciyaarta ka fariisto ila mudo 30 min kadib waan ka ficnana mar waxaan jeclahay walalaheyga aqoonyahanada ah in eey wax iga fahan siyaa ilaah qeer haka siyee



Offline SomaliDoc

  • Moderator
  • *****
  • Posts: 3862
  • Points: +3/-1
  • Gender: Male
  • Ilaahayow Dal Nabad Qaba iyo Dad Caafimaad Qaba!
    • Somali Medical Association


Waxay u egtahay inaad ka cabanayso waxa loo yaqaano "Exercise-induced leg pain" oo ah macnaheeda lug xanuun ka dhalatay jimicsiga.
Badanaa wuxuu qofku dareemaa xanuun lugaha qeybtooda hoose ee kubka, kana sarrayso kalagoysga cagta.

Waxaa xanuunkaan dadka qaarkiis ay dareemaan markii ay ordaan ama boodboodaan ka dib, xanuunka waxaa wehliyo daqnasho la dareemo markii lafta la cadaadiyo, taasoo hadduu qofka nasto muddo daqiiqado ah xanuunka uu ka baaba'yo.

Xanuunkaa wuxuu ku yimaadaa inuu cadaadis lafta ay dareento ama murqaha uu qulqulka dhiigga ku xirmo, waxay ku badan tahay cilladaan dadka aan badanaa jimicsiga joogtaynin oo hal mar kaliya sameeyo orod ama boodbood xiriir ah.

Xanuunkaan "Exercise-induced leg pain" waxuu u kala baxaa dhowr xanuuno oo kuligood ku dhacaan lugaha waxaa ugu caansan "tibial stress syndrome" loona yaqaano magaca kale ee "shin splints" oo ah xanuunka aad hadda ka cabanayso oo kubka aad ka dareemaysid.

Waa muhiim in aaad samaysid jimicsi joogto ah si jirkaaga u la qabsado dhaqdhaqaaqa, haddii aadan samaynin wax jimicsi ah muddo dheer, fadlan socod ka billaw inta aadan ordin ama boodboodin, haddii aad xanuun dareentid, naso oo jooji ciyaarta, wax yar ku laabo haddane.
Habeenkii inta aadan seexanin, waxaad lugaha ku subkataa saliid qandac ah sida saliid macsarada oo kale, tan waxay kaa caawinaysaa in murqaha ay dabciso si qulqul dhiig ku filan u helaan, lafuhuna ay xanuunka kuu daayaan.

Waxay cilladaan ku badan tahay dadka cayilan, dadka leh cagta siman ee aan raysmagaartada lahayn iyo dadka canqowgoodu uusan awood lahayn iyo dadka sameeyo ciyaaraha adag sida tennis-ka, basket ball-ka iyo orodada marathon-ka.

Hadduu xanuunka joogto noqdo, waxaa dhici karta inuu jiro tarar aad u khafiif ah oo lafaha galay taasoo loo yaqaano "Stress Fracture", uma baahno in jug ku gaarto si tararkaan kuu galo, waxay ka dhalan kartaa cadaadiska dheeraadka ah ee aad lafaha saartay jimicsiga awgiis.
Fadlan ku dadaal in aad heshid macdanta lafaha dhisto ee kaalsiyamta in kugu filan adigoo caba caanaha geelaha, haddii aad ku nooshahay dhulalka qaboobaha oo aadan qorax helin waa muhiim sidoo kale in aad cuntid fitamiin D-ga.

Akhriso Faa'idooyinka Caafimaad Ee Caanaha Geela: http://somalidoc.com/smf/index.php?topic=7175.0
Haddii aad su'aalo caafimaad ah qabtid, ku soo dir qeybta su'aalaha: http://somalidoc.com/smf/index.php?board=31.0
http://somalidoc.com
Abdullahi M. Mahdi waa dhakhtar soomaaliyeed oo ku takhasusay Cudurada Guud (Internal Medicine) Cudurada Faafa (Infectiouse Diseases) iyo Cudurada Dhulalka Kuleylaha (Tropical Medicine), Sidoo kale waa Qoraa si joogto ah bulshada uga wacyi galiyo bogga "SomaliDoc.com" oo uu aasaasay bilawgii sanadka 2007.

Follow him on:
     

 

Su'aal: Shahwadayda waxaa ku jiro kuus kuus?

Started by Ali2oBoard Qaybta Su'aalaha

Replies: 1
Views: 2278
Last post December 04, 2016, 10:32:07 PM
by SomaliDoc
Su'aal: Waxaa igu yaallo buro "Fibroadenoma"?

Started by HabsaBoard Qaybta Su'aalaha

Replies: 1
Views: 1091
Last post July 05, 2017, 01:34:23 PM
by SomaliDoc
Su'aal: Waxaa dhib weyn igu haya dhareer afka ka yimaado marka aan seexdo?

Started by Haji2Board Qaybta Su'aalaha

Replies: 3
Views: 22287
Last post December 05, 2015, 11:34:53 AM
by SomaliDoc
Su'aal: marka uu hargab ku dhaco oo uu qufaco waxaa dheecaan ka yimaado dhagta bidixda ah?

Started by DeeqcaliBoard Qaybta Su'aalaha

Replies: 1
Views: 2439
Last post November 01, 2011, 07:58:14 PM
by SomaliDoc
Su?al: Seddexdii biloodba indhaha waxaa iiga soo baxaa nabar yar oo cuncun leh?

Started by Dr baddalBoard Qaybta Su'aalaha

Replies: 3
Views: 4672
Last post March 17, 2011, 11:26:04 PM
by SomaliDoc