Su'aal: Waxaan isku arkay xiniinyaha oo hoos u dheeraaday?

[Ugaas141]

asc dhamaan akhyaarta webka somalidoc aad iyo aad ayaad u mahadsantahiin
sida fiican ee aad dadka somaliyeed uga caawinaysaan mushkiladaha caafimaad
iyo talooyinka aad siinaysaan. jazaakalaa khayr

walal su'aal ayaan qabaa anigu su'aashuna waxaa weeyaan
mudo dhaw waxaan isku arkay xiniinyah ama dhikilaha oo hoos u dheeraaday oo positionkii hoos uga yara dhacay waanan fahmi waayay waxan sababay
waxaad moodaa inay jilceen walina ma guursan  waxan  wax sababayna ma garanayo. markaa dr bal hadii waxa talo iyo tusaale ah aad haysaan insha allah bal iga soo caawiya iyo waxaa lagu dawayn karo.

[SomaliDoc]

Shaqooyinka eebbe ugu talagalay qooraha waxaa ugu muhiimsan in ay xifidyaan heerkulka xaniinyaha waana in 2 degree uu mar waliba ka hooseeyo heerkulka jirka qeybihiisa kale.

Qooraha waxuuu ku saacidaa xaniinyaha in aysan qiyaastaas aysan ka badan kana yaraan haddii kale waxaa dhaawac gaarayo unugyada sameeyo shahwada oo qofka madhalays ayuu noqonayaa.

Waxuu qooraha uu dheeraadaa oo kala fidaa haddii kuleelka uu bato si xaniinyaha kulelka ay dareemeen loogu faafiyo qeybaha kale ee samaysmay markii qooraha ay fideen.
Haddii qabow uu yimaado, qooraha way isu soo aruuraan oo caloosha dhinaceeda ayay qandhac ka soo raadiyaan.

Muruqa u xilsaaran fidinta iyo isu soo aruurinta qooraha oo la yiraahdo "cremaster muscle" way ku kala duwanyihiin ragga oo isku cabir ma noqdo qooraha markii uu fido ama uu yaraado.

Waxyaabaha kale oo dheereeyo qooraha ayaa waxaa ka mid ah in la jiidjiido taasoo ragga qaar caado u ah.

[Ugaas141]

walal aad iyo aad ayaad u mahadsantahiin sida fiican ee aad iigaga soo jawaabteen su'aashayda, markale waad mahadsantahiin
hadii aan jawaabtii dib ugu yar noqdo aad isoo siiseen waxaad tidhi marka heerkulku sareeyo ayaa xiniinyaha dheereeya waana run inta badan marka ay cadceedu kulushahay waa dheeraadaa marka uu dhulku qaboobana waa ururaa
markaa waxaa dadka qaar yidhaadnaa shaaha oo kale waa dheereeyaa ee shaaha iska daa yaanad qoodho dheeraan ka qaadine taasi oo kale maxaa ka jira?

- mida kale dharka hoose ee sida short oo kale oo aad kuugu dhagsan ma wax dhib ayaa uu leeyahay ?

walal bal kuwaana isku day inaad ka jawaabto wixii alle kaa garansiiyo

Jazaa kalaa khayr

[SomaliDoc]

Midda shaaha ku saabsan maahan wax cilmi ahaan jiro ee waxa laga hadlayo waa kuleylka cimillada ee maahan waxa kulul ee la cabo.

Wax walba oo cadaadiyo xaniinyaha waxay keenaan xanuun sida in aad xirato nigis kugu nagan, in aad baaskiil fuusho muddo dheer, in canjirrada aad ku dhex cadaadisid.

Xanuunku wuxuu ka dhashaa markii la cadaadiyo xaniinyaha in qulqulka dhiigga ka xirmo kadibne uu ceejismo, haddii sidaa in muddo ah lagu hayane waxay dhaawac u keenaysaa xaniinyaha iyo shaqadiisaba.

Tani waxay la mid tahay lugta oo kabaabyooto haddii lagu fadhiisto in muddo ah, taasoo iyadane uu ka xirmay dhiigga.

Xanuunka aad daremeyso waa dhambaal kuu sheegayo in cadaadis aad ku haysid xaniinyaha oo aad ka qaaddo culeyska waa arrin wanaagsan oo lagaa doonayo markaa in aad cadaadis ka qaaddo jirkaaga xubin ka mid ah haddii ay ku xanuunto.

Wuxuu xanuunkaan ka dhasho cadaadiska u badanyahay dadka muddada dheer fadhiyo sida darawallada baabuurta safarrada dhaadheer gasho iyo dadka xafiisyada ka shaqeeyo oo muddada dheer fadhiyo.

Talo: ha xiran nigis ama surwaal kugu dhaggan.