Author Topic: Su'aal: Joogto U Xiirida Timaha Madaxa, Dhib Miyaa Ka Imaan Kara?  (Read 11532 times)

0 Members and 1 Guest are viewing this topic.

Offline CilmiSabca

  • Hero Member
  • *****
  • Posts: 344
  • Points: +0/-0
  • Gender: Male
  • Kas & Kamma' Kibir Looma Kaco.
Asc wrt wbt. Sln ka dib.
Dhakhtar, xiirida timaha ee joogtada ah gaar ahaan caruurta, wax dhib ah ma leedahay?
Dhakhtar, Caruurta inoo joogta (faamilkeyga ahaan) bil ama 2ba bilood oo walba timaha waa laga xiiraa, taas oo loola jeedo in lagu ilaaliyo nadaafada madaxa ilmahaas iyo in aysan timuhu dhuuqin dheecaanka ilmaha (marka aan timaha u daayo waxaa la mooda ilmo dhafar uu dilooday, marka la xiidho se waa Maasha Allaah, lkn mustaqbalka mooyi!). Haddaba, Dhakhtar, sirta timo xaalufinta is daba jooga ah maan fahmin, qofkaan ka wareystana wuxuu la soo hinqanayaa maahmaah aanan ku qancin, taas oo ah "XIIRO, XAASIDKAAGANA HA U SHEEGIN!." Marka Dhakhtar, caafimaad ahaan waa maxay sirta ku jirta xiirashada?
-Waxse ila yaaba in ay timuhu magnad leeyihiin waayo haddii aad feertada (shanlada, hair comb, firtada, madax-xaaqdada kd...) ku feerto timaha ee aad u dhaweysid xaashiyo yaryar waxaad arkeysaa xaashiyihii oo soo booday oo sida bir danabka shanladii ugu dhagan, tani Dhakhtar, difaac ma u tahay madaxa? Maxayse yihiin magnadyadaas timuhu sameynayaan caafimaad ahaan?...
Waad ku mahadsan tihiin jaaniska aad ku akhrisateen mowduucan. Thanks Somalidoc 4 ever.


Talo SAARO Allaah


Offline SomaliDoc

  • Moderator
  • *****
  • Posts: 4706
  • Points: +3/-1
  • Gender: Male
  • Ilaahayow Dal Nabad Qaba iyo Dad Caafimaad Qaba!
    • Somali Medical Association
Re: Su'aal: Joogto U Xiirida Timaha Madaxa, Dhib Miyaa Ka Imaan Kara?
« Reply #1 on: January 29, 2012, 12:07:55 PM »
Dhibaato caafimaad xumo ka dhalato tinta oo si sidaba joog ah loo xiiro ma jirto, maxaa yeelay waa wax eebe ugu talagalay in la xiiro hadane soo baxdo, waxaa jira dad aaminsan haddii tinta la xiiro way adkaataa ama way ka badataa sidii hroe taasina wax cilmi ahaan la aaminsanyahay maahan.

Xabadka tinta ah horay ayuu u dhuudhuuban yahay oo dhexda wuu u weynyahay oo markii la xiiro ama makiinad la mariyo tinata way ka buurbuuran tahay tii hore oo afkii tinta ee dhuubnaa oo jilicsanaa ayaa la xiiray taasi ayaa waxay keensanaysaa in tinta ay u egtahay mid adkaatay.

Midda kale tinta oo si joogto ah looga xiiro caruurta ayaaba caafimaad ku jirto sababahaan soo socdo awgeed:
Maadaama caruurta aysan aad uga fakarin oo aysan uga taxadarin nadaafadda tintooda waxay halis ugu jiraan cudurro badan oo tinta galo ama ku dhaco sida: Injirta madaxa gasho, Canbaarta madaxa gasho oo dugsilayda ku badan, caabuqa ka dhasho nadaafad darrida timaha.

Marka maadaama tinta oo la xiiro ay wasakhda madaxa saarnaan karin, injirtane aysan ukumo dhigan karin, si sahlanne loo nadiifin karo haddii carro iskaga shubaanne laga dhaqi karo ayaa caafimaad ahaan in tinta la xiiro aan aaminsanahay in ay tahay shay u wanaagsan caruurta.

Midda ku aadan shanlada warqadaha soo jiidanayso maahan wax ku xiran tinta kaliya ee laba shay kasto oo la isku xoqo waxaa ka dhasho danab taasoo wixii lagu xoqay ka dhigo (+) midka la xoqayna ka dhigayso (-).
Tani waxay keensanaysaa shanladii danabkeeda badalmay in ay soo jiidato warqadaha yaryar, tusaale ahaan dharka qaar markii isku xoqmaan way ka dhalataa oo wax dab camal ah ayaaba ka kaco.
Tani maahan wax caafimaad ahaan la xiriiro ee waa sharci physics ah oo loo yaqaanno "Static Electricity".
Abdullahi M. Mahdi waa dhakhtar soomaaliyeed oo ku takhasusay Cudurada Guud (Internal Medicine) Cudurada Faafa (Infectiouse Diseases) iyo Cudurada Dhulalka Kuleylaha (Tropical Medicine), Sidoo kale waa Qoraa si joogto ah bulshada uga wacyi galiyo bogga "SomaliDoc.com" oo uu aasaasay bilawgii sanadka 2007.

Igala Soco:
   


 

Su'aal: Maraqa gaar ahaan maraqa madaxa xoolaha?

Started by Diihaal GuutoBoard Qaybta Su'aalaha

Replies: 1
Views: 6500
Last post April 24, 2016, 03:11:28 PM
by SomaliDoc
Su'aal: Ma jiraa Natural Viagra - Maadaama Kiniiniga Viagra Dhib-badan yahay?

Started by AarDacarBoard Qaybta Su'aalaha

Replies: 3
Views: 60413
Last post August 12, 2015, 01:45:58 PM
by SomaliDoc
Su'aal: Sidee loo daweyn karaa Nabro Madaxa ka soo baxay oo is badbadalaya?

Started by CilmiSabcaBoard Qaybta Su'aalaha

Replies: 4
Views: 12140
Last post February 20, 2013, 01:17:28 AM
by CilmiSabca
Su'aal: Maxaa keeno inee ilmaha madaxa biyo ka galo?

Started by Fatima Hussein MohamedBoard Qaybta Su'aalaha

Replies: 1
Views: 8904
Last post October 02, 2015, 10:46:27 AM
by SomaliDoc
Su'aal: Nabar iga gaaray madaxa ma noqon karaa cudurka faaliga?

Started by NejibozBoard Qaybta Su'aalaha

Replies: 1
Views: 5044
Last post March 18, 2016, 11:34:27 AM
by SomaliDoc