Author Topic: Su'aal: Wel-Wel Xaad-Dhaaf Ah.  (Read 39860 times)

0 Members and 1 Guest are viewing this topic.

Offline Darmaan123

  • Jr. Member
  • **
  • Posts: 29
  • Points: +0/-0
Su'aal: Wel-Wel Xaad-Dhaaf Ah.
« on: July 14, 2015, 06:15:03 PM »
Marka hore takhrada waxaan ku salaamayaa salaanta islaamka, Asalaamu Calaykum Walal bacda salaan, waxaan in mudo ahba dareemayay welwel, walaac iyo luqunta oo aad ii xanuunta oo aan weliba ka dareemayo muruqyada luquntu inay giigsan yihiin.

haddaan calaamadaha ciladaydan cadeeyo waa sidan:
1. welwel aan caadi ahayn tusaale ahaan waxaan ka welwelayaa in shaqada layga eryo, aniga oo aan waxba dareemin ayaan hadana kasii welwelayaa bilaa sabab.

waxaan kale oo ka welwelayaa in aan cudur ka qaado inta badan meelaha aan taabto oo dhan, sida salaanta dadka iyo meelaha dadku taataabto sida miisaska iyo meelaha qoqoyan.

waxaan ka welwelayaa mustaqbalka waxa aan qaban doono, tusaale ahaan: haddaan labadeenu is raacno waxaan ku odhanayaa walal armay waxaasi inoo hagaagi waayaan, anigu kuma qanacsaniye bal aynu isku dayno uun haddaad adigu ku dhegan tahay kkkkk.

tusaale kale haddaan qof lacag ku yeesho waxaan odhanayaa armuu qofkaasi lacagtaada ku siin waayaa oo aad isku xumaataan.
haddii qof lacag igu yeeshana waxa suurto gal ah in aan caawa oo dhan ka welwelo oo ay wax wayn ila ahaato iska bixinteedu.
waxana dhicikarta in aan ku wareero oo caawaba ka fikiro wax berri aan qaban doono, tusaale ahaan haddaynu ku balano berri aroorta in aynu meel isu raacno ilaa caawa waan kusii xisaabtamayaa intaan iska sugi lahaa shaqada aynu berri aadi doono.

si markaan u eego waxaad moodaa fikirkeenii caadiga ahaa oo la buunbuuniyay oo aan dadka kasii welwel badanahay.

2. Qodobka labaadna waa luqunta oo i xanuunaysa oo aad ii giigsan oo aad moodid in muruqyadu lafta ku dhegan yihiin ama ay adkaadeen sidii wax qalalay oo kale, madaxuna inta badan wuu i xanuunaa, waxaan dareemaa caajis badan iyo shaqada oo aan ka daalayo markiiba fadhigaan jeclaysanayaa, xanaaqayguna waa markiiba, iyo waxyaabo badan oo kale.

Da'daydu waa 33 sano
calaamadahana waxaan dareemayay mudo badan ilaa 2003.

Walal waad mahadsan tahay.




Offline Darmaan123

  • Jr. Member
  • **
  • Posts: 29
  • Points: +0/-0
Re: Su'aal: Wel-Wel Xaad-Dhaaf Ah.
« Reply #1 on: July 14, 2015, 09:52:47 PM »
Walal waxaan qoraalka hore ka ilaaway takhtaro badan oo aan u tegay.

dalka soomaaliya gaar ahaan gobolada aan joogo kama helin diktoor si gaar ah ugu takhasusay xanuunadan nafsaaniga ah.
midkasta markaan u tago ee aan u waramo ayuu shaybaad ii dirayaa, waxayna inta badan iga baadhi jireen xanuunada khaakhaayirka sababa sida thyphoid, syphilis iyo waxyaabi la mid ah.

marka shaybaadhku negative noqdana waxay ku moodayaan in aad khaakhaayirsan tahay oo waxbaba kaa dhegaysan maayee wuxuu gosha kuu gelinayaa dawooyinka sychotic-ga iyo schisopherniayada. wakhti aad kulasii hadashidna kuuma ogola maadaama oo uu ku moodayo in aad khalkhalsan tahay. lolz.

waxa iskaga qaldan diktoorayda xanuunada nafsaaniga ah oo dhan hadaad xagaa nafsaaniga wax ka sheegatidba waxa ku hortaala in kani wuu kacsanyahaye hala dejiyo.
ma helisid dhakhtar qudha oo intuu buugiisa lasoo baxo eegaya calaamadaha aad u sheegatay xanuunka keeni kara.

iga raali ahaada diktoorada in aan dhaliilo uma jeedin mana laha dhaliishan oo anagaa qasbayna waayo iyagu xanuunadan kuma ay takhasusin umana baran laakiin waxaan uun jeclaan lahaa in ay sida diktoorada webkan oo kale na dhegaystaan oo dersaan waxaanu ka cabanayno...

waxaan u tegay tobaneeyo diktoor hadaanayba ka badnayn.

dawooyinka ay ii qori jireena waxa ka mid ah kuwan.

1..Mar waxa la ii qoray chlorpromazine 25mg-100mg

2.marna waxa la ii qoray:
Olanziapine and amitriptyline.

3.Marna waxa la ii qoray:
Haloperidol 5mg and diazepam.

4.Marna waxa la ii qoray:
Mellaril 100mg.

Waxa jira dhowr jeer oo dawooyinkaa laygu celceliyay.
wax aan dawakh iyo hurdo waalan ahayna kama helin.

faa'iido aan kala kulmo daaye waxaan ka qaaday xaajis iyo dawakhaad aan shaqayn kari waayay.
waxayse iigu darrayd marka la ii qoray ee laygu muday irbad la dhaho:
Butyriphenone Injection, markii laygu duray baa waxa isku kay dhegay qadaadka iyo labada qarab oo waxaan noqday qofka cirka eegaya, anigoo liita oo baraaray oo kii ii qorayna yaaban yahay ayuun baa illaahay iisoo diray nin dhakhtar ah oo waraaqdii la tusay irbadu ku qornayd markaasuu ii qoray kiniinka artane. markaasuu side effect-gii igq degay.

intaa wixii ka dambeeyay dhakhtarba waan iska daayay, waxaan go'aansaday in aan iska samro ilaa intaan helayo diktoor xanuunadan nafsaaniga ku takhasusay insha allaah.

waayo dawooyinka ka ii qori jiray waxaan ogaaday in ay xanuuno astaamo kale leh daweeyaan.

Thank u wll

Offline DalmarX

  • Newbie
  • *
  • Posts: 2
  • Points: +0/-0
Re: Su'aal: Wel-Wel Xaad-Dhaaf Ah.
« Reply #2 on: July 15, 2015, 12:03:01 PM »
salaamu calaykum,

walaal doctor ma ihi laakin sidaan ka dhan-dhansaday war bixintaada xanuunkaagu qoorta ayuu ku jira.  Nerve qoorta ku yaala ayaa waxaaso dhan kicinaya.  degenashiyo l'aan, welwelka iyo anti-social anxiety.  xanuunka loo yaqaan anxiety marba waxbaa kiciya nerfayasha oo dhaawac gaadha siiba kuwa mergiyada iyo qadaadku halkay iska soo galaan ku yaala marka dhaawac ku yimaado in aad xaalad welwel iyo degenashiyo la'aan aad la kulantaa waa dhacda. 

talo bixin.
biyo kulul ood ku kubayso qoorta waxay debcisaa nerfayasha adkaaday. message yar oo fududna u raaci.  acupuncture hadii laga yaqaano goboladaad joogto waan kugu la talin lahaa.  xaga welwelka ama anxiety Doctorka taladiisa qaado.  laakin mid ogow welwelka/anxiety waxaan hubaa in ay keenayso nerfayaasha ku dhaawacan.

isdeji niyada u sheeg in aad caafimad qabto. 

insha allah, Allah ha kaa dulqaado xanuunka iyo welwelka uu wataba.

Offline SomaliDoc

  • Moderator
  • *****
  • Posts: 4706
  • Points: +3/-1
  • Gender: Male
  • Ilaahayow Dal Nabad Qaba iyo Dad Caafimaad Qaba!
    • Somali Medical Association
Re: Su'aal: Wel-Wel Xaad-Dhaaf Ah.
« Reply #3 on: July 18, 2015, 03:42:06 PM »
Walaal Darmaan, sida aad tilmaantay dhibkaagu waa laba nooc, welwelka siyaadada ah iyo shakiga badan, waxaa la socdo qoor xanuun iyo giigsanaan.
Sida dalmar uu sheegay qoor xanuunka ama xanuuanda kalba way keeni karaan welwel, laakiin aniga sida ay iila muuqato waa sida kale, dhibkaaga wuxuu ka bilaaban karaa shakiga iyo cillada waswaaska loo yaqaano ee "OCD" oo aad warbixinteeda ka akhrisan karto halkaan: http://somalidoc.com/smf/index.php/topic,3700.0.html

Cillada waswaaska iyo welwelka way isla socon karaan, kullamaa waswaaska iyo shakkiga uu batane way sii kordhi kartaa, welwelka la socdo shakkiga wuxuu loo dareemi karaa cillad jir ahaaneed sida togtognaanta murqaha jirka, hurdo la'aanta, shuban, cunno xumo, caajis badan.

Qofka ugu habboon ee aad xanuunkaaga kala xiriiri karto waa takhtar Psychiatrist ah, fadlan ha ku qaldin takhtar neerfe, halkaan ka akhriso waxay ay ku kala duwan yihin takhaatiirtaas: http://somalidoc.com/smf/index.php/topic,5850.0.html
Isagaa ku qiimeyn doono maadaama ay takhasuskiisa ay tahay howshaan, hadduu u arko in cillad neerfo ay jirto ama cillad kale qoorta ay kaa haysato isagaa baaritaano kale ama takhtar kale kuu xawili doono.

Haddii aad su'aalo dheeraad ah qabtid ama faahfaahin u baahan tahay waad na soo waydiin kartaa.
Caafimaad baan kuu rajaynayaa.

Isku-buuqa Maskaxda: http://somalidoc.com/smf/index.php/topic,1704.0.html
http://somalidoc.com
Abdullahi M. Mahdi waa dhakhtar soomaaliyeed oo ku takhasusay Cudurada Guud (Internal Medicine) Cudurada Faafa (Infectiouse Diseases) iyo Cudurada Dhulalka Kuleylaha (Tropical Medicine), Sidoo kale waa Qoraa si joogto ah bulshada uga wacyi galiyo bogga "SomaliDoc.com" oo uu aasaasay bilawgii sanadka 2007.

Igala Soco:
   

Offline Darmaan123

  • Jr. Member
  • **
  • Posts: 29
  • Points: +0/-0
Su'aal: Wel-Wel Xaad-Dhaaf Ah.
« Reply #4 on: July 19, 2015, 09:15:24 AM »
DOCTOR, waad ku mahadsan tahay wll sida fiican ee aad iigu sharaxday.

walal intaa ka bacdi waxaan rabaa in aan kula wadaago xog yar oo ku saabsan xanuunkan iyo aragtida aan hore uga haystaystay oo ahayd in aan OCD qabo.

mudo ilaa afar sano ah waxaan aaminsanaa in xanuunkaygani yahay ocd.

walal waxaan ogaaday in ocd-gu sidan ka calaamado duwan yahay, waxana aan la wadaagaa oo qudha faraxalashada oo aanan saabuun la'aan aanan aaminayn faraha in aan wax ku cuno, waxana sababaysa welwelka aan ka qabo in ay wasakhaysan yihiin maadaama oo aan meelo badan kusoo taataabta sida in aan dad kala duwan cirbado kusoo duray oo kale.

dadka ocd qaba waxaan ku arkay caalamado ay ka mid yihiin albaabka oo ay ku noqnoqonayaan oo ay dhawr jeer sooo hubinayaan in uu xidhan yahay,
waxaan kale oo ku arkay suuliga marka ay ku qubaysanayaan waxay sii qaadanayaan sixniga dharka lagu dhaqo si ay isugu taagaan oo nijaasada suuliga ayay si xad daaf ah uga taxadarayaan.

waxaan xitaa garanayaa nin aanu deris ahaan jirnay oo markuu suuliga galo intuu shan litir oo biyo ah qaato kasoo bixi jiray isagoo biyo kale oo ku istijoodo doonaya, waxaana ka dhaadhacsan in aanay kaadidii ka daahirin weli oo uu biyo kale usii baahan yahay.


waxaan kale oo arkay nin xawaalad ka shaqayn jiray oo mar qudha shaqadii iskaga tegay markaanu ku nidhi wll shaqayso oo xawaaladaada iska joog.

wuxuu nagu yidhi: walal dhibaato ayaa iga haysata lacagta tirinteeda oo toban jeer baan tirinayaa lacagta aan qofka siinayo, marka aan u dhiibana waxaan ka shakiyayaa buu igu yidhi in aan lacag dheeraad ah u raaciyay oo waan ka welwelayaa
ilaa maantana lacagtii aan qofka siiyay ayaan a walbahaarsanaanayaa anigoo is leh dheeraad baa kaa raacay. hadda ogoow dhawr jeer buu tiriyay, qofkiina markuu tirsanayay isha ayuu kala socday isagoo la tirinaya.
dee ninkii sidii buu shaqadii kaga tegay oo wuxuu yidhi dhibtaa kuma jiri karo.

waxyaabo kale oo badana way leeyihiin oo waxkasta way hubinayaan oo weliba hubinta way ku noqnoqonayaan.

in badan baa raadinayay in aan hubsado ciladan ocd calaamadeheeda, waxana ii soo baxday aniga ciladaydu ay tahay oo qudha welwelkaa aan waxkasta kasii welwelayo. illaahay mahadiise waxaan ogaaday in aanan ocd qabin. taana illaahay baan markasta uga mahadcelinayaa.

waqtigii aan u haystay in aan ocd qabo waxaan isu malayn jiray in aan shaki qabo, waxaanse ogaaday in waxan i hayaa keliya yihiin welwelkaas oo qudha.

laakiin welwelkayga ayaa ah mid xad dhaaf ah, waxana ii dheer qoortaas oo aan markasta pain killer u cunayo si aan u nefiso, madaxa ayaa isaguna i xanuuna haddaanan xumad jebin isticmaalin.

dakhtaraduna si kasta ii baadhe waxa uun aan la i saarin computer-da.

walal waad mahadsan tahay mar labaad.

Offline SomaliDoc

  • Moderator
  • *****
  • Posts: 4706
  • Points: +3/-1
  • Gender: Male
  • Ilaahayow Dal Nabad Qaba iyo Dad Caafimaad Qaba!
    • Somali Medical Association
Re: Su'aal: Wel-Wel Xaad-Dhaaf Ah.
« Reply #5 on: July 19, 2015, 10:56:21 AM »


Walaal Darmaan sida aad u sharaxday OCD waa hal qeyb oo ka mid ah, mana ku dhahayo OCD ayaa qabtaa illaa aad ka aragto dhakhtar aqoon u leh xanuunkaan kadibne adiga ku arka.

OCD waxaa loo soo gaabiyaa "Obsessive Compulsive Disorder", qeybta aad tusaalooyinka ka bixisay waa qeybta "Compulsive-ka" oo qofka inuu wax nadiifiyo ama wax tiriyo uu ku waalan yahay, waa ficil uu gacanta ka samaynayo oo ku soo celcelinayo ha ahaato albaab la hubinayo, lacag la tirinayo, istanjada, wax hubinta soo noqnoqoto, sababta qofkaa uu sidaas u samaynayane waa welwel ku taagan.

Dhinanac kale waa arrina maskaxda ku soo laalaabanayso laakiin aadan ficil la socon tusaale ahaan arrin ayaa qofka ku dhaggan inuu ka welwelo mooyee ma joojin karin, isagoo aanan ogeyn xitaa wax uu ka welwelayo in ay dhici rabaa ana sida uu u maleeyo in ay u dhici karaan.
Ogow xanuunada maskaxda way is dhexgalaan waxaa dhici karto in qofka labo cudur oo isku qasan inuu qabo oo mid ka mid ah kan kale uu keenay, wewelka wuxuu ka mid yahay xanuunada la socon karo xanuuno kale ee dhimirka ah.
Qeybta 'Obsession'-ka waa arrin welwel kugu heysa oo kugu taaagan, tusaalooyinka aad tilmaantay way ka mid noqon karaan in aad ka welwelsan tahay in aysan arrin kuu hagaagayn ama wax kaa hallaabi doonaan, laakiin tan laftirkeeda welwelka siyaadada ah wuu keenaa in qofka saa u fakaro, laakiin nooc shakki ah ayaa ku dhafan, marka si loo hubiyo waa in aad aragtaa dhakhtarka aan kuu tilmaamay.
Welwelka markuu siyaado noqdo qofka wuu howlgabiyaa oo cabsi siyaado ah ayaa ku soo koroto, in qofka uu is dhaho haddii aad baxdid amuu gaari ku jiiraa, amaa haddii balakoonka istaagtid meesha ka dhacdaa amaa haddii aad qolka isku xertid hawada kugu xirantaa, amaa haddii aad qof xanuunsan agfadhiisatid, xanuunka ku qaadsiiyaa, amaa haddii aad bii'al raacdid shil gashaa, lama soo koobi karo, welwelka iyo shakkiga meel kasta oo nolosha ka mid ah ayuu galayaa kadibne qofka nolosha ayuu ka fadhiisanayaa, shaqadii ma aadi karo, iskuukii iyo jaamacaddii waa ku dhib.
Xittaa xilliga imtixaanada shakkiga wuu ku kordhi karaa qofka welwelka awgiis amaa su'aasha saa uga jawaabtay qalad tahay amaa si kale macallinka u rabay, waxaa dhici karto in waqtiga ku dhamaado qofka isagoo hal su'aal marba si uga jawaabayo.

Haddii aan talo ku siiya xanuunada welwelka iyo kuwa dhimirka guudba, daawooyinkooda way tirsamaan, in ay wax kaa taraane waxay ku xiran tahay in marka hore cillada saxda in la helo, marka xigto in daawadaada la socod joogto ah oo takhtarka ayay u baahan tahay, daawooyinka side effects badan ayay leeyihiin.
Waxaa intaa sii dheer, xanuunada welwelka "mental distress, depression, anxiety iyo panic disorder" intaba daawo kaliya laguma xalliyo waxaa jiro waxyaabo la yiraahdo 'psychotherapy' o ah macnaheeda in qofka lala sheekeesto si qaab hadal ama tababar kale oo aan daawo ku jiran looga dhaadhiciyo ama loogu abuuro kalsooni in uu ka adkaan karo xanuunka.

Waxaa intaa ka muhiimsan haddii aan dad mushimiin nahay ku xirnaanshada ilaahay iyo qur'aan akhriska in dad badan oo ku wareeray xanuunadaan in ilaahay wax ku caafiyo, ma ahan kaliya in quraan lagu saaro oo xoolo laguu qalo waa in aad adiga akhrisato oo ilaahay ka bariso in xanuunkaan kaa qaado, ogow isma diidayaan daawooyinka, quraanka iyo alle bariga oo dad ayaa aminsan haddii aad qur'aan u jeesanaysid in aad joojisid daawoyinka oo dhan.

Midda kale in aad ka hadashid xanuunkaaga ama aad heshid meel aad ku nafistid ama kula fahmi karo waxa ku hayo, waxay kaa dajinaysaa culees badan sidaas awgeed ayaan dadka xanuunada nafsaaniga ka sheegto oo halkaan ku soo gudbiyo cabashadooda aan u siinnaa tixgalin gooni ah si ay u helaan meel ay ku nafisi karaan maadaama culees dhinac kasta uu ka heesto.

Caafimaad baan kuu rajaynayaa, allane ha kaa qaado xanuunka.
http://somalidoc.com
Abdullahi M. Mahdi waa dhakhtar soomaaliyeed oo ku takhasusay Cudurada Guud (Internal Medicine) Cudurada Faafa (Infectiouse Diseases) iyo Cudurada Dhulalka Kuleylaha (Tropical Medicine), Sidoo kale waa Qoraa si joogto ah bulshada uga wacyi galiyo bogga "SomaliDoc.com" oo uu aasaasay bilawgii sanadka 2007.

Igala Soco:
   

Offline Darmaan123

  • Jr. Member
  • **
  • Posts: 29
  • Points: +0/-0
Re: Su'aal: Wel-Wel Xaad-Dhaaf Ah.
« Reply #6 on: July 20, 2015, 07:08:08 AM »
Walal waad mahadsan tahay.
aad iyo aad baad u mahadsan tahay.

intaa ka bacdi sidaa aad sheegtay waa runtaa oo webkan sida aan ugu nefisay lama qiyaasi karo qoraalna kumasoo koobi karo.
anigoo quus taagan oo is leh waad waalan doontaaye maxaad kasii noolaanaysaa. oo u haysta waxan i hayaba waali horteed ayaan website-kan somalidoc.com helay walaahay sidaan ugu nefisay aniga uun baa og, waxaan ogaaday in xanuunada maskaxdu badan yihiin.
waxaan ogaaday in ay kala duwan yahay.
waxaan ogaaday in waalida iyo welwelku kala gedisan yihiin.
markii hore waxaan is lahaa mar haddii cilad maskaxda ahi timid waa halkii waalidu ka bilaabmi lahayd.


dadkeena caadiga ahina xanuunadan maskaxda waali bay u yaqaaniin oo qaar aan u sheegay ayaa iga dhaadhiciyay in arrinta waalidu halkaa ka bilaabanto,


maalin baan tegay hospital dhimirka ah laakiin dhakhtaro general ahi joogaan, waxaan ku idhi arrintaydu waa sidaase bal waxaad ii qabankartaan ii qabta.

waxay i waydiiyeen suaalo iyo tirooyin caadi ah sida 75-2=? runtii waan yaabaa sida ay ii haysteen aniga laf ahaantaydu dabcan miyir qab isuma haysan.
markaan su'aalihii saxay waxay igu yidhaahdeen kiniinkaa (amitriptyline) qaado oo iska seexo.

diktoore haddaan kuu sheekeeyo waad yaabaysaa, xitaa eheladaydu dhammaan waxay igula taliyeen in aan xaaska iska furo maadaama arrintaydu maskaxda tahay oo waxkastaa dhicikaraan.
waxay igu yidhaahdeen hebel iyo hrbelba xanuunkoodu halkaas buu ka bilaabmaye intaad sii miyir qabtid gabadha miskiinaa ah iskasii fasax si aanay hadhoow kuugu xanibmin, waan ka rumaystay oo gabadha waxaan furay 2009, laakiin markaan webkan helay ee aan wax kala fahmay ee aan degay ee noloshaydii iisoo noqotay ayaan xaaskiina dib usoo ceshaday shaqadaydiina dib u bilaabay.

dadka hadalkoodiina waan joojiyay, cid bani aadam ah oo arrimahayga kala hadlo adiga oo qudha ayaa jira, illaahay khayr haku siiyee.
maalinkasta culays baa iga dega.

Offline Darmaan123

  • Jr. Member
  • **
  • Posts: 29
  • Points: +0/-0
Re: Su'aal: Wel-Wel Xaad-Dhaaf Ah.
« Reply #7 on: July 21, 2015, 07:33:13 PM »
Walal waxaan garan waayay sababta xanuunkan igu keentay, waayo family-gayga sida waalidkay, adeeraday, abtiyaashay iyo habaryarahay midna xanuunkan kuma arag lagumana sheegin, haddana waxaan maqlay xanuunadani waa dhaxal.
Hadaba diktoore waxaad iiga warantaa ma si kale ayuu ku yimaadaa?.

Suaashayda kalena waxa weeye walal.
Marka aan akhristo calaamadaha ama astaamaha lagu garto xanuunkan ocd waxaan had iyo goor ku arkaa erayadan galmada ku saabsan waana sidan ( intrusive sexual
thoughts).
Walal bal halkaa ii jilci micne ahaan, markasta oo aan symptoms-kiisa baadho waxaan ku arkaa erayadan galmada ku saabsan, haddaba qofka ocd qabaa ma galmada ayuu dhibsadaa mise wuu ku waalan yahay sida maniac oo kale.?.

Offline SomaliDoc

  • Moderator
  • *****
  • Posts: 4706
  • Points: +3/-1
  • Gender: Male
  • Ilaahayow Dal Nabad Qaba iyo Dad Caafimaad Qaba!
    • Somali Medical Association
Re: Su'aal: Wel-Wel Xaad-Dhaaf Ah.
« Reply #8 on: July 22, 2015, 05:10:33 PM »
Waad sida aad tilmaantay bulshawaynta xanuuanda dhimirka ku dhaca waalli uun bay u taqaannaa, iyagaana uga sii dara qofka xanuunsan, qof la daawayn karo ayaa waxaa arkaysaa in la xiro oo la katiinadeeyo oo dhowr sano xirnaado.
Waxaa intaa sii dheer, wadanka way ku yaryihiin takhaatiir rasmi ugu takhsustay "psychiatric" oo badanaa waxaad la kulmaysaa takhaatiir koorso "mental health" dhowr bilood ah ka qaatay hay'adaha samafalka sida "WHO" iyo kuwa kalaba.
Waana ka xumahay in xaaskaaga lagaa furay laakiin nasiib wanaag aad is haleesheen mar kale.

Su'aasha aad i waydiisay ee maxaa ii keenay xanuunkaan waa muhiim.
Inkastoo aan la aqoonin qof walba waxa u keenay xanuunadaan aana la baari karin, laakiin waxaa la isku waafaqsan yahay in ay ka dhalato dhowr waxyaabood oo isku tagay, waxaana loo kala qaadaa sidatan:
1- Hidda-socod: in dhaxal ahaan kugu soo gaaray oo aad xambarsaan tahay hidde-socod u nugul xanuunadaan dhimirka.
2- Biology ahaan: oo laga wado qaabka jirkaaga u shaqeeyo dheecaannada uu soo daayo iyo xubnaha sida ay u wada shaqeeyaan, sida maskaxda farriinta ugu dirto jirka qeybihiisa iyo wixii la xiriiro arrimahaas haddii ay cillad ka jirto.
3- Maskax ahaan: haddii qaab fakarka, wax fahmidda, wax fasiridda iyo wixii kaloo la xiriiro shaqada maskaxda cillad haddii ay ka jirto.
4- Cillad deegaanka ah: haddii qofka dhibaato ka soo gaartay noloshiisa oo saameyn ku reebi karto sida dhaawac, qax, dagaal, dhimasho qof uu jecel yahay, ama cillad yaraantii saamaysay sida waalidka uu wax uusan ka falinayn ku arkay ama ay ku sameeyeen, qofkuu yar haddii la fara xumeeyo iyo wixii nafsiyaatka qofka dhaawac ku reebi karo oo uu la kulmo noloshiisa.

Intaa way is bahaysan karaan, wayna kala socon karaan, marka lama sheegi karo qofkaan meesha ay cillada ka soo gaartay.
Waxa muhiim ah in la ogaaday in cilladahaan aysan ku imaanin qofka shakhsiyadiisa oo daciif ama uu leeyahay dabci nooc kale ah, xanuunada dhimirka sidaa kuma yimaadaan.

Su'aashaada labaad ee ku saabsan "intrusive sexual thoughts" waa nooc ka mid ah shakki dhib badan oo ku saabsan fakarro kala duwan oo qofka ku soo dhacaya oo al xiriiro galmo tusaale ahaan:
- cabsi in aad jeclaatid ama ku jeclaado qof aad dheceb tahay ama qof diintu kaa xarinto ama in ay kugu soo laalaabato fakar adigoo qofkaa wax la sameynayo, inkastoo dad aad u yar ay dareemaan arrintaan laakiin waa mid aad u xanuun badan.
- in aad dareentid shakki amaa caruur xoogtaa, amaa xoolo wax ku samaysaa ama is qaawisaa amaa qofkaas u galmootaa amaa kontaroolka kaa lumaa oo aad is celin waysaa, amaa qaniis tahay oo aadan is ogayn amaa lagu xoogaa, amaa islaantaada qancin waysaa amaa galmada aad dhib ugu geysataa iyo kuwo kale oo aan halkaan lagu soo koobi karin.
intaas waa tusaalooyin waxa qofka maskaxdiisa wareerin kara oo ku soo laalaaban kara, waana nooc ka mid ah shakkiga OCD, dad dhif ah ayaa dareema, waxa uu qofka dareemayo waxay noqon kartaa rabitaan, cabdsi, dambi, yaqyaqsi, wareer, xanaaq ama niyad jab iyo welwel.

ma ahan calaamadihii kacsiga badnaan iyo is celis la'aantii lagu yaqaanay xanuunka Mania.
Abdullahi M. Mahdi waa dhakhtar soomaaliyeed oo ku takhasusay Cudurada Guud (Internal Medicine) Cudurada Faafa (Infectiouse Diseases) iyo Cudurada Dhulalka Kuleylaha (Tropical Medicine), Sidoo kale waa Qoraa si joogto ah bulshada uga wacyi galiyo bogga "SomaliDoc.com" oo uu aasaasay bilawgii sanadka 2007.

Igala Soco:
   

Offline Darmaan123

  • Jr. Member
  • **
  • Posts: 29
  • Points: +0/-0
Re: Su'aal: Wel-Wel Xaad-Dhaaf Ah.
« Reply #9 on: July 22, 2015, 06:12:17 PM »
Maasha allaah. walal si fiican baad ii fahamsiisay illaahay khayr badan hakugu abaal mariyo, waad ii dedaashay waxaadna ii hurtay waqtigaaga qaaliga ah qayb wayn oo ka mid. illaahay baa khayr kaaga abaal marin doona insha allaah.

Waad mahadsan tahay walal mar labaad


 

Su'aal: Dhidid xad dhaaf ah oo ka socda sacabada?

Started by Dr baddalBoard Qaybta Su'aalaha

Replies: 1
Views: 7803
Last post March 24, 2011, 05:26:04 PM
by SomaliDoc
Su'aal: Dulqaad La'aan Iyo Weliba Xanaaq Xad Dhaaf Ah?

Started by Salman MohBoard Qaybta Su'aalaha

Replies: 1
Views: 1819
Last post July 05, 2016, 11:18:47 AM
by SomaliDoc