Author Topic: Su'aal: Waa maxay Hernia?  (Read 5100 times)

0 Members and 1 Guest are viewing this topic.

Offline Alihasan

  • Newbie
  • *
  • Posts: 3
  • Points: +0/-0
Su'aal: Waa maxay Hernia?
« on: September 17, 2015, 08:05:27 PM »
Waa maxay hernia xageese ku dhacdaa intee uqaybsantaa calamdeheeda seeloo dawaynkara



Somali Medical Forums

Su'aal: Waa maxay Hernia?
« on: September 17, 2015, 08:05:27 PM »

Offline SomaliDoc

  • Moderator
  • *****
  • Posts: 3583
  • Points: +3/-1
  • Gender: Male
  • Ilaahayow Dal Nabad Qaba iyo Dad Caafimaad Qaba!
    • Somali Medical Association
Re: Su'aal: Waa maxay Hernia?
« Reply #1 on: September 18, 2015, 01:38:19 PM »


Waa maxay eerno (hernia)?
Eernadu waxay timaadaa markii mindhiciradu ka soo gudbaan maqaarka ku daboolan ubucda ama caloosha.
Waxay ka timaadaa dabacsanaan ku dhacda murqaha taasoo samaysa meelo ay mindhicaradu soo riixan karaan oo banaan ugu soo bixi karaan.

Meeqo nooc oo hernia ayaa jirto?
Eernadu waxay ku dhacdaa dhowr qeyb oo ka mid ah caloosha:
1- Bogga ayay ku samaysmi kartaa waxaana loo yaqaanaa "epigastric hernia"
2- Waxa ka soo bixi kartaa xudunta ama dhinacyadeeda waxaana loo yaqaanaa "umblical hernia"
4- waxay ku samaymi kartaa qaska waxaana loo yaqaanaa "inguinal hernia" waana mida ugu caansan waxaana loo sii kala qaybiyaa mid meesha saracda ku ah iyo mid xaniinta u sii gudubto.
5- Waxay ka samaysmi kartaa lugta qeybteeda kore meesha xididada sinta iyo lugta kaga gudbaan.


Maxaa keeno eernada?
Waxa ugu badan waa cadaadis si kadis ah loo saaro murqaha caloosha sida in aad si qaldan wax culus u qaado oo kale, qufac joogto ah, qaliin horay laguug sameeyay ama calool fadhi muddo ku hayay oo aad la jiiranaysay ama dhaawac gaaray murqaha ku daboolan caloosha.

Waa maxay astaamaha la dareemo?
Meel caloosha ka mid ah oo soo kuusan, cadaadis ama xanuun, marmarka qaar waxba lama dareemo.

Sidee lagu ogaadaa in eerno aan qabo?\
Badanaa lama sameeyo wax baaritaan dhiigag iyo wax la mid ah si loo ogaado in aad eerno qabtid.
Dhakhtarku wuu ku wiisiteyn doonaa oo gacantiisa ayuu ku raadin doonaa in eerno ay jirto, waxaa laga yaabaa inuu ku amro in aad qufacdid ama istaagtid si loo fiiriyo in eernadu ay jirto.
Waxuu dhakhtarka markaa ka dib kuu diri doonaa scan ama computer si warbixin dheeraad ah looga helo eernada.

Eernadu yay ku badan tahay?
Waxay ku badan tahay raga khaas ahaan kullamaa ay sii waynaadaan, waxay ku sii badan tahay dadka xamaaliga ah oo qaado waxyaabaha culculus, dadka ceela shubo, dadka dhagaxaan jabiyo iyo qofkasta oo howl culus qabto oo wax qaadis ah.

Sidee loo daaweeyaa?
Xanuunka eernada daawadiisu waa qalliin, ma jiro daawo afka laga qaato ama cirbado wax ka tara.
Waxaana fiican in lagaa qalo marka ay cusub tahay, marmarka qaar waxaa dhacdo in mindhiciradu marka ay soo baxaan in ay maroojismaan oo dhiiga ka xirmo taasoo xaalad emergency ah qofka galin karto ama mindhicirada dhigia ka xirmay way dhiman karaan.
Qalliinku wuu fudud yahay haddii aysan wax cillad eernada ka baxsan aysan jirin.

Sidee looga hortagaa eernada?
Waxaa looga hortagi karaa adigoo raaca talooyinkaan:
1- Wax aad u culus ha qaadin, hadii aad qaadidna calooshaada haka kor marinin.
2- Haddii calooshaadu ay fadhiso, isku day in aad cunno ama daawo ku socodsiiso, iska ilaali jiirashada.
4- Haddii aad leedahay qufac siyaado ah, u tag dhakhtar si lagaaga daaweeyo.

Waxaa kaloo jiro eernada nooc ka mid ah oo qeyb caloosha ka mid ah ayaa feeraha u gudubto waxaana loo yaqaanaa "hiatal hernia" horay ayaan uga hadalnay ee ka akhriso link-gaan: http://somalidoc.com/smf/index.php/topic,798.0.html

Haddii aad su'aalo qabtid noogu soo dir halkaan: http://somalidoc.com/smf/index.php/board,31.0.html

http://somalidoc.com
Abdullahi M. Mahdi waa dhakhtar soomaaliyeed oo ku takhasusay Cudurada Guud (Internal Medicine) Cudurada Faafa (Infectiouse Diseases) iyo Cudurada Dhulalka Kuleylaha (Tropical Medicine), Sidoo kale waa Qoraa si joogto ah bulshada uga wacyi galiyo boggaan "SomaliDoc.com" oo uu aasaasay bilawgii sanadka 2007.

Follow him on:
     

Somali Medical Forums

Re: Su'aal: Waa maxay Hernia?
« Reply #1 on: September 18, 2015, 01:38:19 PM »

 

Waa maxay "Garguurato" ama "Uuryaal"?

Started by KamalBoard Qaybta Su'aalaha

Replies: 1
Views: 13370
Last post May 22, 2009, 01:41:01 PM
by SomaliDoc
Waa maxay "Angina"?

Started by SomaliDocBoard Cudurrada Guud

Replies: 0
Views: 12203
Last post February 05, 2008, 07:56:57 AM
by SomaliDoc
Su'aal: Waa maxay "Burseelku"?

Started by Ahmed_IndhayareBoard Qaybta Su'aalaha

Replies: 2
Views: 9830
Last post September 01, 2009, 02:23:15 PM
by SomaliDoc
Waa Maxay Cudurka "Ebola"?

Started by Waxbaro!Board Qaybta Wacyi Galinta

Replies: 0
Views: 13732
Last post December 10, 2007, 08:31:26 PM
by Waxbaro!
Waa Maxay Neerfo? "What is the Nerve?"

Started by SomaliDocBoard Cudurrada Maskaxda

Replies: 0
Views: 39507
Last post January 01, 2015, 05:42:10 PM
by SomaliDoc