Su'aal: Daawo maleeyahy xanuunka Multiple Sclerosis?

[Oskaman]

Asc Somalidoctors. Waxan in mudo ahba la noola xanuunka neerfaha ee Multiple sclerosis. calaamadaha qaar aan isku arkay waxa kamida in jirkeyga qeybta bidix uu daciif uyahay ama uyaryahay, mararka qaar in jirka qeyb kamida iska dhaqdhaqaqo, inaan waxyaabaha kulul cuni karin sida basbaaska, zanjabiisha etc oo xanunka igu badinayo. Sidoo kale shaaha kulul dhib ayuu igu yahay oo hada waan iska dhaafay, marka daawo maleeyahy xanuunkan. Thanks.

[SomaliDoc]

Xanuunka Multiple Sclerosis waa xanuun uu keeno khalal ku yimaada difaaca jirka taasoo ka dhalata in jirku difaaciisu uu weeraro xuubka neerfaha ku daboolan iyadoo keenta in neerfuhu ay yeeshaan dhaawac.

Waa xanuun aan laga bogsanin laakiin loo qaato daawooyin yareeyo astaamaha iyo xanuunka cudurku uu keeno, waxaa laga yaabaa in qofku uu hayo xanuunkaan muddo aad u dheer ama inta qofka noloshiisa ka dhiman.

Astmaaha uu xanuunkaan keeno way kala duwan yihiin waxayna ku xiran tahay hadba neerfaha dhaawaca gaaray, waxaana ugu badan xagga aragga oo luma, xanuun, caajis, murqo xanuun iyo socodka oo qaldamo.
Xanuunku way ku kala duwanaan karaan dadka qaba xanuunkaan, dadka qaar eebe wuu u sahlay dadka qaarne xanuun adag ayaa ku dhaca.

Xanuunada meelaha ugu badan ee laga dareemo waa dhabarka ama indhaha, waxay ku bilaaban kartaa ruxidda madaxa ama indho gadinta, qofka wuxuu yeelan karaa gariir gacmaha ama lugaha ah.
Murquhu way adkaan karaan taasoo qofka dhib ku noqonayso socodka iyo wax qabsashada sida dhar xidhashada, shallaysiga iyo in murqaha ay iska dubaaxiyaan ama iska dhaqdhaqaaqaan kotarool la'aan.
Qofka wuxuu yeelan karaan kaadi badan habeenkii am in kaadida ay ka fara baxsato ama kaadida ay ku xiranto.
Xaga dareenka wuu saamayn karaa sida dhadhanka cuntada, kabuubyo jirka iyo in cirbado lagaaga mudayo meelaha qaar ama in jirka aad ka dareento hanbab ama olol.
Xaga aragga wuxuu keeni karaa in qofku aragiisu uu noqdo labolabo ama araggu caad ka fuulo ama aragga uu gabo.
Xaga dareenka iyo kacsiga qofka wuu saameeyaa.
Wuxuu kaloo saameyn karaa hadalka iyadoo qofka hadalkiisa jarays u yeelo ama uu hadalka ka lumo.
Xaga niyada wuxuu keenaa welwel iyo kacsanaan niyada ah.

Daaweyntu waa badanaa kaalmaati, daawooyinkaas oo yaraynayo dhaawac neerfaha gaarayo iyagoo hoos u dhigo difaaca jirka oo weerarka xambaarsan.

Waa muhiim in xanuunkaan uu kaa daaweeyo dhakhtar specialist ah oo aqoon u leh khaas ahaan "neurologist", waa laga yaabaa in dhakhaatiir kale aad u baahatid laakiin dhakhtarkaaga asaasiga ah waa inuu noqdaad dhakhtar ku taqasusay cudurada neerfaha ku dhaco.
Akhriso waxa ay ku kala duwan yihiin takhasusaatka dhakhaatiirta soomaalida isku qladdo badanaa: http://somalidoc.com/smf/index.php/topic,5850.0.html

Xanuunkaan u niyayso inuu dambi dhaaf alle kaaga dhigo, waa xanuun u baahan dulqaad badan.
Haddii aad su'aalo kale qabtid iigu soo dir halkaan: http://somalidoc.com/smf/index.php/board,31.0.html
Caafimaad baan kuu rajaynayaa..
http://somalidoc.com