Su'aal: Aad bay u hadal badan tahy da'deduna waa 40?

[Cayuush Omer]

asc wraxmah suaal( ad bay u hadal badan tahy da'dedu waa 40 melaha mar mar way qaylinaysa sida inay qof ka cararyso o kale waxan uga shakiyay inu hayo xanuunka MANIA (.muxuu yahy xanuunkan? maxase dawo u ah) maxad talo iga siin lahydeen ama an ula tacaali kara qof nocan ah)
mahadsanidin

[SomaliDoc]

Mania waa xanuun dhimir, waxaana astaan u ah kacsanaan xad walli ah, taasoo qofka jir iyo maskax ahaan u kacsan yahay.

• Wuxuu u egyahay qofka inuu aad u faraxsan yahay, taasoo qofka si dhakhso ah iskugu badali karo caro iyo xanaaq.
• Hadal badan oo boobsiis ah, taasoo marba mawduuc u boodo qofka isagoo hadalkiisa uusan xiriir isla lahayn
• Hurdo yari iyo cunno badni.
• Kacsi badni, xishood yari oo qofka u horseedi karto inuu sameeyo galmo taxaddar lahayn.
• Dhaqdhaqaaq iyo socod badan iyo deyn qaadasho badan iyo lacag lumis.
• Qab weyni iyo cabsi shakki ka dhalato

Qofka wuxuu lahaan karaa cudurkaan laakiin isagoo aysan gaarin heerka aan kor ku soo tilmaamay, waxaana loo yaqaanaa "hypomania", wuxuu qofka lahaan karaa astaanta aan kor ku soo xusay laakiin ka daga qofkaas.

Xanuunkaan waxaa la soco karo marmarka qaar murugo iyo niyad jab kaasoo lagu magacaabo "Biopolar mood disorder", tan oo macnaheeda ah in qofka uu marne kacsan yahay marne dansan yahay (faraxsanaan iyo murugo isku dhex qasan), waana cillad ka dhib badan xanuunka Mania-ha kaligiis markii la daawaynayo, halkaan ka akhriso "mania-depression" ama "Biplar disorder": http://somalidoc.com/smf/index.php/topic,3855.0.html

Xanuunkaan waa in lagala kaashadaa dhakhtar ku takhasusay cudurrada dhimirka, wuxuu u baahanayaa qofka in daawo lagu billaabo, waa xanuun qofka ku daahi karo, waana muhiim in si joogto ah loola xiriiro dhakhtarka.
Waa maxay Depression?: http://somalidoc.com/smf/index.php/topic,878.0.html
Waa maxay Schizophrenia?: http://somalidoc.com/smf/index.php/topic,935.0.html
Haddii aad su'aalo caafimaad ah qabtid iigu soo dir qeybta su'aalaha: http://somalidoc.com/smf/index.php/board,31.0.html
http://somalidoc.com