Calaamadaha aad dareemeysid iyo baaritaannada iyo xaaladda lagaa helay way is leeyihiin.
Urethral stricture waa "Ciriiriyowga Ibta".
Penile urethral stricture: waxay tilmaamaysaa in ibta guska dhexdiisa ah ay cariiri noqotay taasoo ku badan dhalinyarada, qeybta kale waa midda qanjirka prostate-ka ku aadan waxayna ku badantahay dadka waaweyn.

Ciriiriga ibta waxaa keeno dhaawac ibta gaaray hadda ka hor kadibna bogsaday ama cudur ku dhaco sida infekshanka ibta (Urethritis).

Calaamadaha waxaa ka mid ah:
-Xanuun marka aad kaadinayso
-Awood darro inaad faaruqiso kaadiheysta
-Kaadida oo gantamin oo tistisleyso
-Kaadida oo kugu go'go'do
-Mararka aad kaadiso oo badato.

Haddii aan la daaweyn dhibka ka dhasho waa in killida oo bararto oo ku dhaco cudur loo yaqaanno "Hydronephrosis"

Dhibaatooyinka gadaal ka yimaado waxaa ugu caansan haddii dhibka in muddo jiro:
-Kaadida oo kugu ceshoonto
-Ibta oo malaxaysato
-In ibta ay faruuranto (Fistula)
-In dhagax ku samaysmo kaadimareenka
-Eerno iyo baabasiir oo ka dhasho jiirashada kaadida awgeed.

Waxaa lagu garan garaa cudurkaan 2 baaritaan:
1- Urethroscopy: Weyneyso lagu eego ibta.
2- Urethrography: Raajo lagu eego ibta.

Daaweynta waa laba nooc:
1-Weyneyn la adeegsanayo qalab loogu talo galay ibta
2-Qalliin oo lagu soo jarayo hilibka ama waxa ciriiriga ka dhigay ibta.

---

Haddii aad qabto su'aalo kale halkaan ka weydii
SomaliDoc

Waan ku faraxsannahay in qalliinka lagu guuleestay dhibkii ku hayayne eebe kaa qaaday.
Mida kale daawooyinka ugu wanaagsan waxaa haboon in aad kala tashato dhakhtarkii ku qalay maadaama halkaan in daawo laga qoro ama aan ka sheegno ay tahay mid qalad ah.

---

SomaliDoc