Su'aal: Waa maxay faa'idada فراولة "strawberry"?

[Ahmed_Carab]

Asc.

Waa maxay faa'iidada strawberry-ga?

[SomaliDoc]

Bismillah,

Miraha gaduudan ee afka carabiga ah lagu yiraahdo "Farawla", afka ingiriiskane lagu dhaho "strawberries", waa miro indhaha u roon, faa'idooyin mid nafaqo iyo mid caafimaadba laga helo, inkastoo dhulkeena aan laga beeran laakiin carrada iyo cimilada uu u baahan yahay beerista mirahaan waanu haysanaa.

Waxyaabaha ugu badan ee laga faa'ido waxaa ka mid ah:

• Mirahaan waxaa ku jiro maadda sunsaarista jirka u qaabilsan ee loo yaqaano "Antioxidant", maadadaan waxay unuyada jirka ka ilaalisaa dhaawaca ka dhasho sunta ka dhalata waxyaabaha jirka galo, sidoo kale maadadaan waxay xididada ka ilaalisaa inay xirmaan ama wasakh fadhiisato taasoo muhiim u ah caafimaadka wadnaha iyo kacsiga ragga.
• Mirahaan waxaa ka buuxo fitamiin C oo la wada ogyahay inuu difaaca jirka muhiim u yahay, kuna caawiyo ka hortagga xanuunada jeermisyaha ka dhasho, waxaa la mid ah yaanyada iyo liin dhanaanta, sidoo kale fitamiin C-ga wuxuu muhiim u yahay maqaarka, dadka joogteeyo cunnada fitamiin c-ga ka buuxdo jirkooda dhakhso ma yeesho laalaab ama duuduub.
• Mirahaan wuxuu u roon yahay xakamaynta sokorta jirka, waxayna cimlibaarayaashu u badinayaan inay sabab u tahay maadada la dhaho "Polyphenols" oo ku jirta.
• Mirahaan waxaa kaloo loo isticmaalaa ka hortagga xanuunka kolestaroolka oo ka dhasho dufanta fadhiisato xididada wadnaha, faahfaahinta xanuunkaan ka akhriso halkaan: http://somalidoc.com/smf/index.php?topic=1461.0