Su'aal: Sigaar cabistu qallalka ma daaweyssaa?

[Cali Asaaro]

Asc dhakhaatiirta, waxaan qabaa su,aal taasoo ah: waxaan qabi jiray cudurka qalalka waxuu igu bilawday 14 jir meelahaas, kiniinka qalalka ayaan qaadan jiray, ka dib africa waan ka soo tagay. cudurkii mudo 7sano ah iskuma aanan arag oo macnaha maan suuxin, xataa wax kiniini ah maan qaadan mudada 7 sano ee uu iga maqan yahay cudurka laakiin mar mar ayaan arki jiray calaamado inuu cudurka isoo qabanaayo laakiin ma badneen, marka waxaan rabaa inaan ogaado cudurka qalalka qofka maka dawoowi karaa madaama uusan 7sano igu dhicin  anigoon wax dawo ah aanan qaadan mase la dhihi karaa sigaar cabistu cudur aad qabto way qarin kartaa macnaha nokotiinta sababtoo ah mudadaas uu cudurka iga maqan yahay sigaarka ayaan aad cabaa, markaa fadlan jawaab aan ku qanco ayaan idinka rajaynaa waadna mahadsantihiin.

[SomaliDoc]

Cudurka qallalka wuu istaagi karaa oo qofka wuu ka maqnaan karaa muddo isagoo aanan daawa qaadanin, khaas ahaan hadduu qofkaas daawadii loo qorayay oo in muddo ah joogteeyay.
Daawada qalalka loo isticmaalo waxay saxdaa korontada maskaxda ay isku gudbiso taasoo khallalka ka ilaalisa, haddii qofka in muddo ah isagoo daawo qaadanaya ugu yaraan 2 illaa 3 sano usuan isku arkin, waxaa dhacda markuu qofak daawada joojiyo inaysan ku soo laaban.

Midda xigta ee ku saabsan sigaarka ama maadada ku jirta ee nicotine-ka aqoon dheeraad ah looma lahan in qallalka lagu daaweeyo inkastoo ay jirto xaalad gabar yar oo maraykanka daga uu dhakhtar sheegay in nicotine-ka lagu dhajiyo maqaarka ay ku caafimaaday, laakin wax si cilmiyaysan iyo baaris lagu ogaaday ma ahan.

Midda aad ku hubin kartid in qallalkii uu kaa tagay ama in xiriir la leeyahay sigaar cabista waxaan kugula talin lahaa in aad la xiriirtid takhtar ku taqasusay cudurrada neerfaha "neurologist" si uu kuu saaro qalab loo yaqaanno "EEG" oo lagu ogaanayo korontada maskaxda adigoo sigaar cabin iyo adigoo sigaar cabaya iyo wixii talo dheeraad ahba.
Caafimaad baan kuu rajaynayaa.